Միանգամից 2 ահաբեկչություն՝ Թուրքիայի մայրաքաղաք Անկարայում

Չորեքշաբթի գիշերը Թուրքիայի մայրաքաղաք Անկարայում երկու ահաբեկչություն է տեղի ունեցել: Ահաբեկիչների թիրախն են դարձել արդարադատության նախարարությունն ու իշխող «Արդարություն և զարգացում» կուսակցության կենտրոնական գրասենյակը: 

Ինչպես հայտնում է CNN Turk-ը, նախարարության շենքի մուտքի մոտ նռնակ է պայթել, իսկ կուսակցության գրասենյակի ուղղությամբ կրակահերթ են արձակել: Վիրավորվել է 1 մարդ, պատճառվել է հսկայական նյութական վնաս:

Տեղական ԶԼՄ-ներն իրենց ուշարությունն են հրավիրում այն հանգամանքի վրա, որ ահաբեկչությունը կազմակերպվել է հինգշաբթի օրը նշվող քրդական նոր տարվա նախաշեմին: Ակնկալվում է, որ ազատազրկման մեջ գտնվող, արգելված «Քրդական աշխատավորական կուսակցության» առաջնորդ Աբդուլլահ Օջալանը հանդես է գալու զինադադարի և ծայրահեղական քուրդ  գրոհայիններին Թուրքիայի տարածքը լքելու կոչով: Քուրդ ծայրահեղականները փորձում են խոչընդոտել «Քրդական աշխատավորական կուսակցության» և թուրքական կառավարության միջև խաղաղության հաստատմանը: