Սիրիայի իշխանությունները քիմիական զենք են օգտագործում բնակչության դեմ. Էրդողան
Թուրքիա
Սիրիական իշխանությունները քիմիական զենք են օգտագործում ընդդիմության դեմ պայքարում. հայտարարել է Թուրքիայի վարչապետ Ռեջեփ Թայիփ Էրդողանը. չորեքշաբթի օրը տեղեկացնում է Anadolu գործակալությունը:
Էրդողանի խոսքերով` քիմիական զենքի կիրառման շատ ապացույցներ կան: Նա նաև նշել է, որ Սիրիայի կողմից Թուրքիային ներկայացված մեղադրանքները չեն արտահայում իրականությունը:
Ըստ ՍԱՆԱ սիրիական պետական գործակալության` Հալեպում երեքշաբթի օրը քիմիական զենքի կիրառման հետևանքով զոհվել է 25 մարդ. վիրավորվել՝ 86-ը:
Սիրիայի կապի և տեղեկատվության նախարարը Թուրքիային և Քաթարին մեղադրել էր ընդդիմությանն աջակցելու և ֆինանսավորելու համար և նշել, որ, հետևաբար, նրանք են կրում այդ հարձակման ողջ պատասխանատվությունը:
Սիրիայի իշխանությունները նշում են, որ քիմիական զենքն օգտագործվել է հենց ապստամբների կողմից:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
