Լիբանանի վարչապետը հրաժարական է տվել

Լիբանանի վարչապետ Նաջիբ Միքաթին ուրբաթ օրը հայտարարել է իր կառավարության հրաժարականի մասին՝ կոչ անելով ձևավորել ազգային միասնական կառավարություն. փոխանցում է РИА Новости-ն:

«Ես հայտարարում եմ իմ կառավարության հրաժարականի մասին և վստահ եմ, որ դա հնարավորություն կտա խոշոր քաղաքական խմբավորումներին պատասխանատվություն ստանձնել և համատեղ ջանքերով Լիբանանը դուրս բերել անորոշ վիճակից»,-հայտարարել է Միքաթին:

Վարչապետի խոսքերով՝ այդ որոշմանը իրեն դրդել են հայրենի Տրիպոլի քաղաքում տեղի ունեցող իրադարձությունները, ուր մի քանի ամիս շարունակ չեն դադարում հուզումները՝ պայմանավորված հարևան Սիրիայի հակամարտությանբ: