Քրդական խնդրի լուծումը թույլ կտա Թուրքիային կրճատել ռազմական ծասերը

Քուրդ անջատողականների հետ երկարամյա կոնֆլիկտի կարգավորումը թույլ կտա Թուրքիային զգալիորեն կրճատել իր ռազմական ծախսերը` ազատելով սպառազինություններ գնելու անհրաժեշտությունից. երեքշաբթի օրը գրում են թուրքական ԶԼՄ-ները:

«Քրդական աշխատավորական կուսակցությունը» 1987-ից զինված պայքար է մղում Թուրքիայի հարավ-արևելքում՝ անկախ Քրդստան ստեղծելու համար:

Կոնֆլիկտն արդեն խլել է 40 հազար մարդու կյանք: Մարտի 21-ին «Քրդական աշխատավորական կուսակցության» ցմահ ազատազրկված առաջնորդ Աբդուլլահ Օջալանը զենքը վայր դնելու և Թուրքիայի տարածքից հեռանալու կոչ արեց քուրդ գրոհայիններին:

Ամենատարբեր տվյալներով՝ Թուրքիան այդ հակամարտության տարիներին ծախսել է ավելի քան 300 մլրդ դոլար:

Քուրդ գրոհայինների հետ կոնֆլիկտի կարգավորման արդյունքում Թուրքիան կարող է զգալիորեն պակասեցնել գնվող զենքի որոշ տեսակների քանակը կամ երրորդ երկներին ծախել արդեն ձեռք բերած զենքերը»,-գրում է Hüriyyet Daily News-ը:

Խոսքը մասնավորապես անօդաչու թռչող սարքերի, հարվածային ուղղաթիռների, զրահատեխնիկայի մասին է: