Թուրքիան դեպորտ է արել 600 սիրիացի փախստականների
Թուրքիա
Թուրքական իշխանությունները սիրիացի փախստականների ճամբարում զանգվածային անկարգություններ հրահրած ավելի քան 600 փախստականների դեպորտ են արել Սիրիա. գրում է Reuters-ը:
«Այդ մարդկանց մասնակցությունը բռնության գործադրման մեջ արձանագրվել է տեսանկարահանող խցիկների կողմից»,-հայտարարել է ոստիկանության ներկայացուցիչը՝ մեկնաբանելով նրանց դեպորտ անելու պատճառները:
Ոստիկանության տվյալներով՝ մարտի 27-ին մի խումբ փախստականներ փորձել են բողոքի ակցիա կազմակերպել ճամբարում վատ բնակելի պայմանների դեմ: Սիրիացիներին խաղաղեցնելու ուղարկված ոստիկանները հարձակման են ենթարկվել նրանց կողմից, ճամբարում ծեծկռտուք է սկսվել:
Միջադեպից հետո իշխանությունները որոշում են կայացրել 600-700 սիրիացիների դեպորտի մասին:
Թուրքիայում բնակվող սիրիացի փախստականների թիվը գերազանցում է 150 հազարը: ՄԱԿ-ի տվյալներով՝ Սիրիան այս 2 տարիների ընթացքում լքել է ավելի քան 1 մլն մարդ: Ակնկալվում է, որ բռնությունները չդադարելու պարագայում այդ թիվը 2013-ին կեռապատկվի:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
