Սիրիայում Ալ Արաբիայի և Ալ Ջազիրայի լրագրողների գլխի համար միլիոններ են խոստացել
Մերձավոր Արևելք
Սիրիայի հանրային հեռուստատեսության եթերում Բաշար Ասադի ռեժիմի նկատմամբ չեզոք դիրոքորոշում ունեցող գործարար Ֆահիմ Սաքրը մրցանակ է խոստացել Սիրիայի տարածքում գործող Ալ Արաբիա և Ալ Ջազիրա հեռուստալրատվամիջոցների թղթակիցների գլխի համար:
«Այդ ԶԼՄ-ները ստում են: Ես իմ անունից հայտարարում եմ, որ Սիրիայի ցանկացած քաղաքացի, ով կառևանգի Ալ Արաբիայի կամ Ալ Ջազիրայի թղթակիցներից որևէ մեկին և կհանձնի ազգային անվտանգությանը, իմ կողմից կստանա 10 մլն սիրիական լիրա (141.7 հազար դոլար)»,-ասել է գործարարը:
Նրանց թղթակիցները մոլորության մեջ են գցում մարդկանց ինչպես Սիրիայի ներսում, այնպես էլ նրա սահմաններից դուրս: Նրանք խաբում են աշխարհին իրենց ստահոդ լուրերով, որոնց նպատակը երկիրը պառակտելն ու հասարակական կարգը խախտելն է. պնդում է գործարարը:
Ասադամետ ուժերի սուր քննադատությունը հենց Ալ Արաբիա և Ալ Ջազիրա հեռուստաընկերությունների նկատմամբ պայմանավորված է դրանց՝ ընդդիմադիր ուժերին աջակցելու հանգամանքով. գրում է Korrespondent-ը:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
