Քադաֆիի լուսանկարի տեսքով համակարգչային վիրուս է տարածվում

Ինտերնետում վնասակար ծրագիր է տարածվում, որը քողարկված է սպանված Մուամար Քադաֆիի լուսանկարով էլեկտրոնային փոստում ստացվող նամակում:

Ինչպես հաղորդում է «Ռոսբալտը», նամակը տարածվում է հետեւյալ վերնագրով. «Fw: AFP Photo News: Bloody Photos: Libya dictator Moammar Gadhafi's Death»:

MIGNews-ի տվյալներով, նամակում ներկայացված է Agence France-Presse-ի տեղեկությունը' Լիբիայի առաջնորդի մահվան մասին, իսկ նամակին ամրացված է RAR-արխիվը, որի մեջ լուսանկարներն են:

Լուսանկարները բացելիս համակարգչի մեջ տրոյան վիրուս է հայտնվում: