Մեդվեդևը խստացրել է ՌԴ քաղաքացիություն ստանալու կարգը

Ինչպես հաղորդում է Ria Novosti լրատվական ծառայությունը՝ ՌԴ նախագահ Դմիտրի Մեդվեդևը հոկտեմբերի 19–ին հրամանագիր է ստորագրել ՌԴ քաղաքացիություն ստանալու կարգը փոփոխելու մասին։ Որոշումը հիմնականում ուղղված է քաղաքացիություն ստանալու ընթացակարգն ավելի դժվարացնելուն, քանի որ ՌԴ ժամանող ներգաղթողները ձգտում են արագ ձեռք բերել ՌԴ քաղաքացիություն։ Ինչպես նաև հրամանագրով նախատեսվում է բարդացնել ժամանակավոր կացություն ձեռք բերելու ընթացակարգը։ Հրամանագիրն ուժի մեջ է մտել հրապարակման օրվանից։ Նախկինում ՌԴ քաղաքացիություն ձեռք բերելու համար օտարեկրացիները կարող էին ընտրություն կատարել միգրացիոն քարտ կամ ժամանակավոր կացության իրավունք ստանալու մեջ։ Համաձայն ՌԴ նախագահի հոկտեմբերի 19–ի հրամանագրի՝ այժմ օտարեկրյա քաղաքացիները ՌԴ քաղաքացիություն ստանալու համար պետք է ներկայացնեն բնակության թույլտվություն, ՌԴ մշտապես բնակվելու մասին հավաստող փաստաթուղթ։ Ժամանակավոր բնակության փաստաթուղթը տրվում է մինչև ժամանակավոր կացության իրավունքը հավաստող սերտիֆիկատը ստանալը, նույնիսկ նախքան ժամանակավոր բնակության մասին փաստաթուղթ ստանալը օտարեկրացիները կարող են ստանալ միգրացիոն քարտ։