Սիրիայի նախագահ Ասադը հերքել է լուրերը, թե ինքն ապրում է ռուսական նավի վրա
Մերձավոր Արևելք
Սիրիայի նախագահ Բաշար Ասադը վստահեցրել է, որ շարունակում է ապրել իր տանը և ոչ թե ռուսական նավի վրա կամ Իրանում, ինչի մասին լուրերն են տարածում ԶԼՄ-ները և ընդդիմադիր գործիչները:
«Ես գտնվում եմ Սիրիայում իմ ժողովրդի հետ: Այն ամենը, ինչ խոսում են իմ մահվան կամ անհետացման մասին, չի համապատասխանում իրականությանը: Դրանք Սիրիայի թշնամիների տարածած բամբասանքներն են»,-ասել է երկրի նախագահը թուրքական հեռուստաընկերություններից մեկին տված հարցազրույցի ժամանակ. տեղեկացնում է ИТАР-ТАСС-ը:
Մեկնաբանելով Արաբական պետությունների լիգայի հայտարարությունն այն մասին, «թե ինքը կորցրել է իր լեգիտիմությունը, Ասադը նշել է. «Հենց ինքը Արաբական պետությունների լիգան խնդիրներ ունի իր լեգիտիմության հետ: Այդ կազմակերպությունը չի հանդիսանում իր ժողովրդի օրինական ներկայացուցիչը: Սիրիան դա նկատել է դեռ այն ժամանակ, երբ նրա անդամ էր հանդիսանում: Լիգան չի կարող որևէ մեկին օրինական լիազորություններ շնորհել կամ խլել դրանք: Նրա դերը սիմվոլիկ է»,-պարզաբանել է նախագահը:
Ասադի խոսքերով՝ լեգիտիմությամբ օժտում և այն խլում է միայն ժողովուրդը։
«Եթե սիրիացի ժողովուրդը ձեզ լեգիտիմություն է տվել, նշանակում է՝ դուք օրինական նախագահ եք»,-հայտարարել է Ասադը:
ՈՒՂԻՂ ԵԹԵՐ
Ամենադիտված 
Ջուր չի լինի երկար ժամանակ․ հասցեներ
