Խանութներում վաճառվող «սփրեդը» վտանգավոր չէ առողջության համար

ՍԻՄ-ի «Ազդակ» ակումբի այսօրվա հյուրերն էին Սննդի անվտանգության տեսչության մամուլի խոսնակ Բաբկեն Պիպոյանը և լաբորատոր զննման բաժնի պետ Գեորգի Ավետիսյանը։ Խոսելով սննդի անվտանգության հետ կապված խնդիրների, եւ այդ ուղղությամբ տարվող աշխատանքների մասին՝ Գերոգի Ավետիսյանն ասաց. «Այսօր իհարկե առկա խնդիր է կարագի և սփրեդի վաճառքը խանութներում։  Սփրեդը, որը ներկրվում է Հայաստան առողջության համար վտանգավոր չէ։  Այո կան յուղեր , որոնք կարող են լինել վնասակար, բայց դրանք Հայաստան չեն ներմուծվում։ Այն սփրեդները, որոնք պարունակում են  վտանգավոր բաղադրիչներ տնտեսապես շատ ավելի թանկ արժեն և Հայաստանում կիրառվող չեն ։ Մեր լաբորատորիա 48 կոդավորված նմուշ է բերվել, որից 27-ը լաբորատոր ուսումնասիրությունների արդյունքում պարզվել է, որ սփրեդ է եղել, որոնք խանութներում վաճառվել են որպես կարագ։ Այս առիթով թե որքանով է արդարացված խանութների մեղավորությունը դեռ հայտնի չէ, քանի որ ուսումնասիրություններից հետո նոր պարզ կդառնա, թե ներմուծող ընկերությունն է սփրեդը որպես կարագ հանձնել խանութ, թե՞  խանութում, իմանալով հստակ, որ տվյալ ապրանքատեսակը սփրեդ է՝ բարձր գնով վաճառել են որպես բարձրակարգ կարագ»։
Կարագը սփրեդից տարբերելու համար Բաբկեն Պիպոյանը նշեց, որ դա այդքան էլ դյուրին չէ, սակայն տան պայմաններում կտրելու դեպքում, երբ փշրվածություն է առաջանում, ապա կարելի հասկանալ, որ դա սփրեդ է։