ՄԱԿ-ը կոչ է արել Սիրիային չխոչընդոտել քիմիական զենքի հարցում ստուգումներ անցկացնել Հալեպում և Հոմսում
Մերձավոր Արևելք
ՄԱԿ-ի գլխավոր քարտուղար Բան Կի Մունը հինգշաբթի օրը Սիրիային կոչ է արել համաձայնվել Հալեպում և Հոմսում քիմիական զենքի առկայությունը ստուգող քննություն անցկացնել. գրում է РИА Новости-ն:
Հալեպում ապստամբների կողմից քիմիական զենք կիրառելու հանգամանքը ստուգելու խնդրանքով դեռևս անցյալ ամիս ՄԱԿ-ին դիմել էր Սիրիայի կառավարությունը: Բան Կի Մունn ընդունել էր այդ խնդրանքը, ինչպես նաև` արևմտյան երկրների ներկայացրած պահանջը` քիմիական զենքի առկայությունը ստուգել նաև սիրիական Հոմս նահանգում: Ստուգող քննիչ խումբը կանգ էր առել դեպի Սիրիա կես ճանապարհին այն բանից հետո, երբ Սիրիայի կառավարությունը հայտարարել էր, որ առայժմ քիմիական զենքի հարցում ստուգումներ անցկացնել թույլատրում է միայն Հալեպում:
Բան Կի Մունն իր ափսոսանքն է հայտնել ստուգումները խոչընդոտելու կապակցությամբ և կոչ արել թույլատրել Սիրիային ստուգումներ անցկացնել, նշելով, որ քննիչ խումբը կարող է Սիրիա ուղարկվել ցանկացած պահի:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
