Մհեր Սեդրակյանի որդու հայտարարագիրը. հարց՝ չե՞ք ամաչում

Կոնստանտին Տեր-Նաքալքյանը facebook սոցցանցի իր էջում գրել է.

«Սենց նայում եմ ավագանու կուսակցական ցուցակներին ու սքանչանք եմ ապրում, ախր ազգիս գույնն է այնտեղ․․․ ինչպես նաև ազգիցս գռփած փողերի մի մասը: Ահա խնդրեմ, քննենք կարկառուն մի օրինակ՝ Ցեղակրոնության ու Նժդեհախոսության ջատագով, մեծն բարերար, քաղաքգիտական մտքի ռահվիր ու անկաության մարմնավորում Մհեր Սեդրակյանի (հին եբրայերեն ձեռագրերում հիշատակվում է որպես Թողխմախի Մհեր) որդի՝ Դավիթ Սեդրակյանին, ով ընդգրկված է ՀՀԿ-ի ցուցակում: Ուսումնասիրենք նրա եկամուտների հայտարարագիրը:
Սեդրակյան կրտսեր թեև չունի ոչ մի աշխատանք, բայց ունի 200 միլլիոն դրամ բանկային հաշվում (ես էլ էդքան ունենայի, էլ խի՞ էի աշխատում): Բաց դրանից, Սեդրակյանը որպես եկամտի աղբյուր նշել է միայն գույքի օտարումից ստացված 2 մլն դրամը: Որևէ այլ արժեթուղթ կամ ներդրում պատգամավորի որդին չունի (Քոռանամ ես, բա ի՞նչ ա անելու առանց այլ արժեթղթերի ու ներդրումների):

Դավիթ Սեդրակյանը Երևանում ունի 5 շինություն (ընդհանուր 4256 ք/մ) և 6 հողամաս (ընդհանուր մոտ 5.1 հա), ևս 1 հողամաս՝ Ծաղկաձորում (0.2 հա):

Հայտարարագրից պարզվում է նաև, որ նա մինչ օրս «վարում» է խորհրդային տարիների խորհրդանիշ, 1988 թ. արտադրության ZAZ 968 (ենթադրում եմ, որ տան մեջ, վերջիվերջո նրան պատկանող ամեն շինության միջին մակերեսը 800+ ք/մ է), միաժամանակ նաև՝ GMC YUKON (2002 թ.) մակնիշի ավտոմեքենաներ:

Դավիթ Սեդրակյանը 8 մլն դրամը գերազանցող որևէ թանկարժեք իր չի հայտարարագրել (կրիզիս ա, բան ա․․․):

Մնաց մի հարց․ ՉԵ՞Ք ԱՄԱՉՈՒՄ․․․»: