ՆԱՏՕ-ն կամաց–կամաց դադարեցնում է Լիբիայի ռմբակոծությունը

«Hurriyet»–ի հաղորդմամբ, այսօր ՆԱՏՕ-ի ղեկավարությունը հայտարարել է, որ դադարեցնում է ռմբակոծությունները Լիբիայի դեմ: Քադաֆիի ռեժիմի տապալումից հետո արդեն  յոթերորդ ամիսն է, որ շարունակվում են ռմբակոծությունները: Ֆրանսիայի պաշտպանության նախարար Ժերար Լոնժեն  նշել է, որ օդային հարձակումները  չեն դադա րիայնքան ժամանակ, մինչև վերջնականապես չդադարեն ապստամբական տրամադրությունները և վերջնականապես ձևավորվի նոր կառավարությունը: Միջերկրական ծովի ափին գտնվող Սիրթե քաղաքը, Բանի Վալիդ քաղաքը և դրանց հարավային շրջանները դեռևս  գտնվում են Քադաֆիի կողմանկիցների հսկողության տակ: ՆԱՏՕ–ի ուժերը այս ընթացքում  9,300 օդային ռմբակոծություն են իրականացրել Լիբիայում։ ՆԱՏՕ–ի  անդամ պետությունների պաշտպանության նախարարների հանդիպման թեման եղել  Լիբիայում և Աֆղանստանում տիրող իրրավիճակը, որտեղ ՆԱՏՕ–ն արդեն  10-ամյա պատերազմ է մղում Թալիբան գրոհայինների դեմ։ ՆԱՏՕ-ի գլխավոր քարտուղար Անդերս Ֆոգ Ռասմուսենը Աֆղանստանի հարցը խիստ կարևորել է և կոչ է արել չշեղվել ընդհանուր գործընթացից։ ՆԱՏՕ–ի  գործընկեր պետությունների 140 հազարանոց զորքի առաքելությունը Աֆղանստանում ավարտվումէ 2014 թվականին։ ՄԱԿ–ը անցյալ ամիս Աֆղանստանի մասին հրապարակած զեկույցում նշել էր, որ 2010թ. համեմատ այս տարի բռնությունների մակարդակը երկրում զգալիորեն աճել է։ ԱՄՆ պաշտպանության նախարար Լեոն Պանետան հայտարարել է, որ ՆԱՏՕ–ի անդամ երկրները չպետք է բավարարվեն Լիբիայում ձեռք բերված հաջողություններով և պետք է շարունակել ռազմական արշավը։ Գերմանիայի պաշտպանության նախարարը համաժողովի ընթացքում կարևորել է ընդլայնել համագործակցության դաշտը դաշինքի անդամ երկրների միջև՝ ռեսուրսները ավելի արդյունավետ կառավելու համար։ՆԱՏՕ–ի անդամ եվրոպական երկրները ցանկանում են ստեղծել իրենց սեփական ռազմական համակարգը՝ ցանականալով նվազեցնել դաշինքի ռազմական կախվածությունը ԱՄՆ–ից։ Եվրոպան ցանկանում է համատեղ ստեղծել հակաօդային պաշտպանության համակարգեր Իրանի միջուկային ծրագրերի պոտենցիալ սպառնալիքի դեմ։ Սակայն դեռ պարզ չէ արդյոք այս ծրագրերը կդառնան իրականություն։