«Վերադարձի դասական երաժշտությանը» 5-րդ փառատոնն ավարտվում է

Արամ Խաչատրյան համերգասրահում այսօր տեղի է ունենալու «Վերադարձի դասական երաժշտության» 5-րդ փառատոնի հանդիսավոր փակումը։Ելույթ են ունենալու ֆլեյտարահար, երգեհոնահար Վալերի Տոլստովը (Շվեյցարիա), դաշնակահար Վազգեն Վարդանյանը (Սլովենիա) և Վերադարձի փառատոնի կամերային նվագախումբը (դիրիժոր` Հարություն Արզումանյան): Ծրագրում հնչելու է՝ Յ.Ս.Բախ (Նվագախմբային սյուիտ N2), Ֆ.Պուլենկ (Կոնցերտ Երգեհոնի,գոսերի և լարայինների համար, կատարումը նվիրվում է ականավոր երգեհոնահար Վահագն Ստամբոլցյանի հիշատակին), Յ.Բրամս (Դաշնամուրային Կվինտետ, նվաgախմբային տարբերակ):

Հիշեցնենք, որ փառատոնը մեկնարկել է հոկտեմբերի 4-ին: Փառատոնը հայ հանդիսականին ներկայացավ 6 համերգից բաղկացած համերգաշարով, որի ընթացքում ելույթ ունեցան ինչպես հայ, այնպես էլ օտարազգի անվանի երաժիշտներ:
Նշենք, որ փառատոնի կազմակերպիչն է «Արվեստների Պատկերասրահ» մշակութային հիմնադրամը: Փառատոնն անցկացվում է ՀՀ նախագահի տիկին Ռիտա Սարգսյանի հովանու ներքո, ՀՀ մշակույթի նախարարության աջակցությամբ: