Պակիստանում սպանվել է նախկին նախագահ Մուշարաֆի գործը քննող դատախազը

Ուրբաթ օրը անհայտ անձինք Պակիստանի մայրաքաղաք Իսլամաբադում սպանել են հետաքննությունների դաշնային բյուրոյի գլխավոր դատախազ Չաուդհուրի Զուլֆիքար Ալիին, ով հետաքննում էր երկրի նախկին վարչապետ Բենազիր Բհութոյի 2007-ի սպանությունը, որի գործով որպես մեղադրյալ կալանքի տակ է վերցվել երկրի նախկին նախագահ գեներալ Փերվեզ Մուշարաֆը:

Ինչպես հայտնում է DAWN պարբերականը` հղում կատարելով ոստիկանությանը, Ալիի մեքենայի վրա զինված հարձակում է գործել 2 հանցագործ, ովքեր կրակոցներ արձակելուց հետո փախել էին անհայտ ուղղությամբ: Ծանր վիրավոր դատախազը մահացել է հիվանդանոցում: Նրա հետ սպանվել է նաև 1 կին և վիրավորվել է նրա թկնապահը, ով տեղեկացրել է ոստիկանությանը, թե դատախազը սպառնալիքներ էր ստանում: 

Ոստիկանությունը փնտրում է մարդասպաններին: