Լուժկովը կանչվել է հարցաքննության

Ռուսական լրատվամիջոցները հաղորդում են, որ Մոսկվայի նախկին քաղաքապետ Յուրի Լուժկովը Մոսկվայի բանկի գործով կանչվել է հարցաքննության։ Գործի հետ կապված դատաքննությունը նշանակված էր այսօր, սակայն Լուժկովը փոխանցել է լրատվամիջոցներին, որ ինքը չի կարող ներկայանալ դատական լսումներին, քանի որ գտնվում է արտերկրում։ Լուժկովը հայտնել է, որ մինչև հաջորդ դատական նիստը ինքը կներկայանա պատկան մարմիններին։ Սակայն BBC Russia լրատվական ծառայության հաղորդմամբ այս լուրը պաշտոնապես չի հաստատվել։