Իմ արժանապատվությունից ցածր է նման իշխանությունների հետ աշխատելը.Գուրգեն Արսենյան

«Ես տեղեկատվություն ունեմ, որ գովազդային ընկերությունների ու քաղաքապետարանի միջև ծագել է անախորժություն. Մաշտոց ու Սայաթ–Նովա փողոցները պետք է ազատվեին գովազդային պաստառներից։

Որպես երևանցի` մենք որևէ առարկություն չունենք էսթետիկական տեսքի հետ կապված ու ինքներս ենք խոսել այդ մասին։ Խոսքս այն մասին չի, թե մենք դեմ ենք դրան, բայց մեր առարկություններն են այն գործիքները, որոնցով առաջնորդվեց քաղաքապետարանը»,– այսօր լրագրողներին հայտնեց ՄԱԿ կուսակցության նախագահ Գուրգեն Արսենյանը։

Պարզաբանենք, որ ընդունվել է վարչական հայտ, որի դրույթներով «Յունիքոլ գրուպ»  և «Նուշիկյան ասոցիացիա»  ընկերությունների գովազդները ոչնչացվեցին, դրանցից մեկի տերն է Արսենյանը, իսկ մյուսինը՝ Նուշիկյանը։ «Մենք ստացանք փաստաթուղթ, որտեղ գրված էր, որ մենք անօրինական գործունեության ենք ծավալում։ Եթե անօրինական էր, ապա պետք էին հիմքեր, այդ հիմքերից մեզ կառավարությունն է զրկել. ութ տարի մերժել են հողի վարձակալության պայմանագիր կնքել»։

Արդյունքում երկու ընկերություններն էլ դիմել են դատարան։ Եթե քաղաքապետարանն այլ ընկերությունների հետ աշխատեր համագործակցության սկզբունքներով, ապա հարցն ավելի հեշտ կլուծվեր», – ասաց Արսենյանը։

Նշենք, որ այդ ակտի համաձայն, ընկերություններին տրվել էր հինգ օր, որ ինքնակամ ապամոնտաժեն գովազդային պաստառները, իսկ մեկ ամիս տրված էր բողոքարկելու այդ հայտը։ «Քաղաքապետարանը սահմանափակել է մեր իրավունքները, ոչ իրավաչափ նորմեր է օգտագործել, մեզ դրել է ծանր կացության մեջ։ Ապա քաղաքապետարանից ստացվել է նամակ, որով համաձայություն է տրվում ընկերությանը, թե նրանք ճիշտ են, որ սահմանադրական հոդված է խախտվել»։

«Մեր իրավաբանները քաղաքապետարանի նամակը վերլուծության են ենթարկում, անհայտ կազմակերպություն, բարբարոսաբար ոչնչացրեցին մեր պաստառները, զգալի վնաս հասցրեց մեզ հարյուր տասը հազար դոլարի չափով, մյուս ընկերությունում հարյուր յոթանասուն հազար, մեզ թվում է, որ մենք քաղաքային այսպիսի իշխանության հետ չպետք է աշխատենք։ Մարդիկ ենք, որ հարկեր ենք մուծում ու պետություն ենք պահում, մեր արժանապատվությունից ցածր է այդպիսի մարդկանց հետ աշխատել։ Ես հրահանգ եմ տվել դադարեցնել մեր գործունեությունը. պատճառը նյութականը չէ, այլ անպատվաբեր աշխատանքը քաղաքային այսպիսի իշխանությունների հետ ։ Մեր երկու ընկերություններին հասցրած վնասը , որը մենք չենք ուզում «գանձել» քաղաքացիներից, հետաբար մենք պահանջում ենք դատարանում հազարական դրամ։ Սրանից հետևում է, որ մեր խնդիրը կամայականությունների վերջ տալն է»,– խոսքն ավարտեց Գուրգեն Արսենյանը։