Թուրքիայում իրականացված պայթյունների հետևում Սիրիայի հատուկ ծառայություններն են. Դավութօղլու

Թուրքական Հաթայ նահանգի Ռեյհանլի քաղաքում իրականացված պայթյունների հետևում կանգնած են ձախակողմյան «Ազգային-ազատագրական հեղափոխական ճակատ կուսակցության» գրոհայինները. հայտնում է թուրքական Haber 7 պարբերականը:

Ինչպես նշում է պարբերականը, այդ ահաբեկչական գործողությանը կուսակցության գրոհայինների ունեցած մասնակցության մասին լուրերը հաստատել է Թուրքիայի արտգործնախարար Ահմեդ Դավութօղլուն: Միաժամանակ, պայթյունների մեջ մասնակցություն են ցուցաբերել սիրիական հատուկ ծառայությունները. հայտարարել է արտգործնախարարը: 

Հիշեցնենք, որ օրերս Թուրքիայում 2 ականապատ մեքենաների պայթյունից զոհվել է 44 մարդ, վիրավորվել 155-ը: