«Նարեկ Սարգսյանը զոհվել է թշնամու ԱԹՍ-ի հարվածից՝ բռնելով անմահության ճամփան…»

Երևանի պետական բժշկական համալսարանի ռեկտոր Արմեն Մուրադյանը ֆեյսբուքյան իր էջում կիսվել է զոհված զինծառայող Նարեկ Սարգսյանի մասին պատմությամբ:

««Մերօրյա հերոսները» Նարեկ Սարգսյան

Մեր Նարեկը ծառայել է Մարտակերտի զորամասերից մեկում, զոհվել է թշնամու անօդաչու սարքի հարվածից․․․
ԵՊԲՀ մի շարք ապագա բժիշկներ Արցախի դեմ Ադրբեջանի և Թուրքիայի սանձազերծած պատերազմում հայրենիքի պաշտպանության համար մղվող մարտերում անմահացան՝ չհասցնելով իրականացնել բժիշկ դառնալու երազանքը:

Նարեկ Սարգսյանն Ագարակ քաղաքից էր, սովորել է տեղի միջնակարգ դպրոցում, այնուհետև ընդունվել է ԵՊԲՀ ընդհանուր բժշկության ֆակուլտետ: Առաջին կուրսն ավարտելուց հետո զորակոչվել է բանակ:
Ընդհանուր բժշկության ֆակուլտետի դեկան Կարինե Բարոյանի խոսքով՝ Նարեկն աչքի էր ընկնում բարությամբ, օրինակել էր, բազմակողմանի զարգացած և սովորում էր գերազանց առաջադիմությամբ:

Քրոջ՝ Զարե Սարգսյանի խոսքով՝ դպրոցում ևս միշտ առաջինն էր: «Սովորել է գերազանց, տարբեր առարկաներից մասնակցել է հանրապետական օլիմպիադաների՝ արժանանալով բարձր գնահատականների: Չկար խնդիր, որից Նարեկը չկարողանար գլուխ հանել, միշտ օգնող, ընկերասեր, չափից դուրս՝ պատասխանատու: Ցանկանում էր հայրենքի առաջ պարտքը կատարել, բանակից վերադառնալ և հանգիստ սրտով շարունակել ուսումը: Վստահ եմ՝ շատ լավ մասնագետ կդառնար, հայրենիքի համար պիտանի մարդ»,- պատմում է Նարեկի քույրը:

Համակուրսեցիները ևս ցավով ու կարոտով են խոսում Նարեկի մասին: Նրան բնութագրում են որպես կարգապահ, նպատակասլաց: «Ցավոք մեր երկիրը նրա նման բժիշկ կորցրեց, իսկ մենք՝ գործընկեր: Նարեկը կոչված էր բժիշկ դառնալ: Միշտ օգնության հասնող Նարեկը բնավորությամբ անվրդով էր»,- ընդգծում է Սոնա Մելիքբեկյանը՝ հավելելով, որ հայրենքն իր կյանքի գնով պաշտպանած ապագա բժիշկի հիշատակը միշտ վառ կմնա համակուրսեցիների հիշողություններում:

Նարեկը ծառայել է Մարտակերտի զորամասերից մեկում, զոհվել է թշնամու անօդաչու սարքի հարվածից՝ բռնելով անմահության ճամփան…»:

Այս թեմայով Իրանի նախագահին տեղափոխող ուղղաթիռի ուղևորները զոհվել են. Reuters Իսրայելական ավիահարվածի հետևանքով զոհվել է ՀԱՄԱՍ-ի հրամանատարը ՀՀ կառավարությունն Արցախի ժողովրդի վերաբերյալ որոշումները կայացնում է առանց ռազմավարության, նպատակն Արցախի էջը մեկընդմիշտ փակելն է. Արտակ Բեգլարյան Լուկաշենկոն Ալիևի հետ այցելել է օկուպացված Արցախ Բելգորոդում Ուկրաինայի գնդակոծման հետևանքով՝ 19 մարդ է զոհվել (լուսանկարներ) Գագիկ Ծառուկյանի աջակցությամբ Ծաղկաձորում մեկնարկել է Արցախ-Հայաստան եռօրյա ֆորում (տեսանյութ) Աֆղանստանում ջրհեղեղի հետևանքով` առնվազն 50 մարդ է զոհվել (լուսանկարներ) Սանկտ Պետերբուրգում մարդատար ավտոբուսն ընկել է գետը. 5 մարդ է զոհվել (տեսանյութ) Էս երիտասադրության հետ Արցախ եմ հասնելու ու մենահամերգ տամ. Գայա Արզումանյան (տեսանյութ) Սա սրբազան պայքար է և լիահույս եմ, որ մեր սերունդը վերադառնալու է Արցախ. քաղաքացի