Հարգելի դատախազներ, ձեռնպահ մնացեք դավաճանների կողմից տրվելիք ապօրինի հրամաններ կատարելուց. Գևորգ Կոստանյան

Արդարադատության երկրորդ դասի պետական խորհրդական Գեւորգ Կոստանյանը երկրում ստեղծված իրավիճակի կապակցությամբ իր կոչն է հղել դատախազներին։

Իր կոչում նա, մասնավորապես, նշել է.

«Հարգելի դատախազներ,

Ես միշտ ձեզ կոչ եմ արել զերծ մնալ քաղաքական գործընթացներին որեւէ կերպ միջամտելուց կամ մասնակցություն ունենալուց: Հիմա, առավելեւս, չեմ կարող կոչ անել մասնակցելու քաղաքական գործընթացներին:

Վստահ եմ, դուք, ինչպես ես, եւ յուրաքանչյուր գիտակից հայ, շատ լավ գիտակցում ենք, որ այս պահին իրականացվող գործընթացները քաղաքական չեն, դրանք բացառապես Հայստանի Հանրապետության  գոյության եւ պետականության պաշտպանությանը ուղղված միջոցներ են:

Ձեզանից շատերին եմ լավ ճանաչում, գիտեմ որ դուք պատվախնդիր, հայրենասեր եւ պրոֆեսիոնալ մասնագետներ եք ու հենց այդ պատճառով կոչ եմ անում կանգնել ՊԵՏՈՒԹՅԱՆ կողքին, ոչ թե՝ պետական դավաճանություն կատարած կամակերպված հանցավոր խմբի /իշխանության/: Իսկ որ պետություն, պետականություն եւ այսօրվա իշխանություն հասկացությունները ոչ միայն նույնական չեն, այլեւ՝ ուղղակի միմյանց բացառող, կարծում եմ, բոլորդ եք համոզվել:

Ավելին, ես տեղյակ եմ, որ ձեզանից շատերը համոզվել են, եւ որպես իրավաբաններ արդեն վերլուծել են, որ Հայաստանի Հանրաապետությունում տեղի է ունեցել ՀՀ քր.օր-ի 299-րդ հոդվածով սահմանված պետական դավաճանություն: Հետեւաբար, այս իշխանություններին որեւէ կերպ օժանդակելը ոչ թե քաղաքական դիրքորոշում է, այլ՝ պետության դավաճանությունը պարտակել:

Հետեւաբար, դուք ծառայում եք պետությանը եւ ոչ թե իշխանություններին, եւ թույլ մի տվեք, որ Ձեր մարդկային եւ մասնագիտական բարձր կարողությունները, պետական դավաճանների կողմից օգտագործվեն ի վնաս մեր պետության եւ ժողովրդի: Վստահ եմ, գիտակցում եք, որ «ես հանձնարարություն էի կատարում» կամ «իմ գործն էի կտարում» արդարացումը չի աշխատելու: Ապօրինի հրաման կատարելը հանցագործություն է:

Հարգելի դատախազներ, ձեռնպահ մնացեք դավաճանների կողմից տրված եւ տրվելիք ապօրինի հրամաններ եւ հանձնարարականներ կատարելուց: Իսկ պետական դավաճանությունը չպարտակելու համար, ժամանակավորապես դադարեցրեք Ձեր պաշտոնավարումը: Ժամանակավոր, քանի որ Դուք դեռ շատ անելիք ունեք մեր Հայրենիքի համար՝ պետական դավաճանություն կատարած իշխանությունների հեռանալուց հետո: Իսկ նրանք, վստա՛հ եղեք, հեռանալու են: Այս մի քանի օրվա գործողություններով մի վտանգեք Ձեր եւ Ձեր երեխաների, մեր Հայրենիքի ապագան եւ՛որպես մարդ, եւ՛որպես դատախազ»։

Այս թեմայով «Ժողովուրդ». Գևորգ Կոստանյանը` Կրեմլում Գևորգ Կոստանյանի դիմումի հիման վրա գործի վարույթը ՍԴ-ն կարճեց Դատական ակտը ունի քաղաքական բնույթ. փաստաբանը՝ Գևորգ Կոստանյանի նկատմամբ ընտրված խափանման միջոցի մասին Գևորգ Կոստանյանի նկատմամբ ընտրված խափանման միջոց կալանավորումը չի վերացվի ՌԴ-ն մերժել է Գևորգ Կոստանյանի նկատմամբ հետախուզում հայտարարելու վերաբերյալ ՀՀ իրավապահների պահանջը. պաշտպան. News.am Գևորգ Կոստանյանի նկատմամբ հետախուզումը շարունակվում է. Գլխավոր դատախազություն Գագիկ Ջհանգիրյանը չի՞ հիշում, թե՞ միտումնավոր է խեղաթյուրում փաստերը. 168.am Փաշինյանն ընդմիշտ տապալեց գերիների հարցը, քանի որ նրա հետ ոչ ոք չի բանակցում. Գևորգ Կոստանյան Նիկոլ Փաշինյանը ծաղրում է Հայաստանի Հանրապետությանը միջազգային հարթակում․ Գևորգ Կոստանյան. 168.am «Ժողովուրդ». Ինչու Գլխավոր դատախազությունը ընթացք չի տալիս նախկին պաշտոնյաների դիմումներին