41-ամյա տղամարդը կալանավորվել է զինծառայողի մորից խարդախությամբ 1․5 մլն դրամ հափշտակելու մեղադրանքով

Գեղարքունիքի մարզի 41-ամյա բնակիչը պատերազմին մասնակցած զինծառայողի մորից առանձնապես խոշոր չափի՝ 1․5 մլն դրամ գումար է հափշտակել՝ իբրևէ թե գերության մեջ գտնվող զինվորի բուժման, գերությունից ազատելու և Հայաստան տեղափոխելու համար։ 41-ամյա տղամարդը կալանավորվել է, նրա նկատմամբ քրգործ է հարուցվել ու խարդախության հոդվածով մեղադրանք կա։

Քննչական կոմիտեից հայտնում են, որ 41-ամյա գեղարքունիքցին իմանալով, որ հոկտեմբերի 1-ից հետո դադարել է կապը զինծառայողի և հարազատների միջև, Կոտայքի մարզի բնակիչ կնոջը հայտնել է, թե իբր ծառայում է զինված ուժերում, ծանոթներ ունի և զբաղվում է նրա որդու որոնողական աշխատանքներով:

Իմանալով, որ վերջին անգամ զինծառայողին տեսել են մարտի դաշտում՝ վիրավորված, նա, իրականությունը խեղաթյուրելով, զինծառայողի մորը հայտնել է, թե որդին վիրավոր է և գերության մեջ:

«Որդու բուժման և Հայաստանի Հանրապետություն տեղափոխելու պատրվակով, 2020թ. նոյեմբերի 29-ից մինչև 2021թ. հունվարի 6-ն ընկած ժամանակահատվածում 41-ամյա տղամարդը խաբեությամբ, մաս-մաս պահանջել է խոշոր չափերի, ընդհանուր՝ 1.5 մլն դրամ, որը Հրազդանի բնակչուհին փոխանցել է նրա կողմից տրամադրված հաշվեհամարին, իսկ վերջինս կանխիկացման եղանակով հափշտակել է այն»,- հայտնել են ՔԿ-ից։

Ձեռք բերված բավարար ապացույցների համակցությամբ՝ Գեղարքունիքի մարզի 41-ամյա բնակչին մեղադրանք է առաջադրվել՝ Քրեական օրենսգրքի 178-րդ հոդվածի (խարդախությունը) 2-րդ մասի 2-րդ կետով (պատժվում է տուգանքով` նվազագույն աշխատավարձի 500-1000-ապատիկի չափով, կամ ազատազրկմամբ` 2-5 տարի ժամկետով):

Եթե 41-ամյա տղամարդու հանցավոր գործողություններից տուժել են այլ քաղաքացիներ, Քննչական կոմիտեն խնդրում է դիմել Կոտայքի մարզային քննչական վարչություն (հեռ.՝ 0223-7-00-01) կամ ոստիկանության Կոտայքի կամ մոտակա բաժին: Միաժամանակ հորդորում է նմանատիպ հարցերով չհամագործակցել որևէ անհատի հետ, այլ դիմել իրավապահ մարմիններին:

Այս թեմայով Ձերբակալված 27 քաղաքացիներից ոչ մեկին օրենքով սահմանված ժամկետում մեղադրանք չի ներկայացվել․ Ռուբեն Մելիքյան ԱԳՆ շենքի մոտից բերման ենթարկված 28 մասնակիցներից ոչ մեկին մեղադրանք առաջադրված չէ Սոցցանցի կիրառմամբ խոշոր չափերի թմրամիջոցների ապօրինի շրջանառության դեպք է բացահայտվել․ կալանավորվել է երիտասարդ Զինծառայող Արարատ Արոյանը կյանքի հետ անհամատեղելի վնասվածքներ է ստացել․ ՊՆ ՊՆ-ից հայտարարել են՝ Էլեն Աղասյանին չեն ճանաչում, այդպիսի «զինծառայող» չկա Խուլիգանություն կատարելու համար «Կամք» նախաձեռնության հիմնադրին մեղադրանք է ներկայացվել. ՔԿ Վարդանյանի գործով նախաքննությունն ավարտվել է. իրար հակասող հատկանիշներով մեղադրանք է առաջադրվել. «Ժողովուրդ» Սերբիայում նախագահին սպառնալու համար տղամարդ է ձերբակալվել Մեղադրանք է առաջադրվել Ազատ գյուղում դեպքի օրը հերթապահ հանդիսացած, պարտադիր ժամկետային զինծառայողին․ փաստաբան Ավազակություն անչափահասի նկատմամբ՝ Լոռու մարզում․ կալանավորվել է նրա համադասարանցին