Վարչական դատարանի օրենսգրքով կասեցվելու է նոր ԳՇ պետի նշանակման գործընթացը

Սահմանադրագետ Գոհար Մելոյանը ֆեյսբուքյան իր էջում գրել է․ 

«Շարունակվում են դատական իշխանության նկատմամբ ճնշման փորձերը: Օնիկ Գասպարյանի գործով Վարչական դատարանի դատավոր Մհեր Պետրոսյանի նկատմամբ ճնշումներ գործադրելու վերաբերյալ տեղեկություններն առավել քան արժանահավատ են, հատկապես՝ վերջին շրջանում իշխող ուժի կողմից դատաիրավական համակարգի նկատմամբ գործադրված ճնշումների վերաբերյալ բազմաթիվ առերևույթ փաստական հանգամանքների ի հայտ գալու, և դրանց վերաբերյալ իշխանության քար լռության համատեքստում։

Վարչական դատարանի կողմից Գլխավոր շտաբի պետ Օնիկ Գասպարյանի լիազորությունների դադարեցման հակասահմանադրական գործընթացն արգելող հայցի ապահովման միջոցի կիրառումն առավել քան հիմնավոր է։

Արդյունքում՝ Վարչական դատավարության օրենսգրքի 91-րդ հոդվածի 2-րդ մասի ուժով կասեցվելու է նոր ԳՇ պետի նշանակման գործընթացը, և Օնիկ Գասպարյանը մինչև վերջնական դատական ակտի օրինական ուժի մեջ մտնելը շարունակելու է իր պարտավորությունների կատարումը՝ որպես Գլխավոր շտաբի պետ։

Ակնհայտ է, որ ռեժիմը խուճապի մեջ է, քանի որ, այդ դեպքում, ստացվելու է, որ անգամ վարչապետի եւ Հանրապետության նախագահի կողմից Սահմանադրության կոպիտ ոտնահարումը բավարար չէր Հայոց բանակը գլխատելու համար։

Հետևաբար՝ ավելի քան հավանական է, որ իր առջև դրված նպատականերին հասնելու համար որևէ միջոցի առջեւ չխորշող իշխող ուժը դիմի հերթական ծայրահեղ հակաիրավական քայլերի։

Ամեն դեպքում, լիահույս եմ, որ իրավական համայքի հարգանքը վայելող դատավոր Մհեր Պետրոսյանը՝ անկախ ճնշման փորձերից, այս հակասահմանադրական գործընթացին գնահատանք կտա իր դատական ակտերով»,- գրել է նա:

Այս թեմայով ԳՇ պետի, բանակի ղեկավար կազմում մի շարք բարձրաստիճան պաշտոնյաների մոտ կորոնավիրուս է հայտնաբերվել Օնիկ Գասպարյանին պաշտոնից ազատելու հիմք հանդիսացած հոդվածը ՍԴ-ն սահմանադրական է ճանաչել Գեղարքունիքում ռուս սահմանապահներ կտեղակայվեն. ԳՇ պետ Մշտապես քայլեր ենք ձեռնարկում պրոֆեսիոնալ բանակ ստեղծելու ուղղությամբ. Դավթյան Հիմնավոր ենթադրություն է, որ վեց հայ զինվորի գերեվարումը եղել է վաղօրոք պլանավորված հայ ժողովրդին նոր զիջումներին հոգեբանորեն պարտադրելու համար. Գոհար Մելոյան Պետական մակարդակով ստի և կեղծիքի տարածումը քայքայել են հայ ժողովրդի դիմադրողականությունը. Գոհար Մելոյան Իշխանության ներկայացուցիչները հպարտորեն գլուխ են գովում, որ դեռ որևէ վիրավոր չկա․ Գոհար Մելոյան ԱԺ-ում ներկայացվող «ընտրական փաթեթի» ընդունման նպատակն է նախընտրական գործընթացներում բարելավել իշխող ուժի դիրքերը. սահմանադրագետ ԱԽ-ն հրապարակել է քաղվածքներ 2020 թ. սեպտեմբերի 30-ի նիստի արձանագրությունից Պետական հեղաշրջման փորձի շրջանում Օնիկ Գասպարյանը հանդիպել է Սերժ Սարգսյանի հետ. Փաշինյան