Իլհամ Ալիևը Նախիջևանում մասնակցել է ռազմական աերոդրոմի «բացմանը». Razminfo.am

Մայիսի 10-ին Նախիջևան կատարած այցի շրջանակներում Ադրբեջանի նախագահ Իլհամ Ալիևը մասնակցել է Նախիջևանի առանձին համազորային բանակի ՌՕՈւ աերոդրոմի բացման արարողությանը, որը, ըստ «Ռազմինֆոյի» գնահատականի, արդեն իսկ շահագործվում էր ու ավարտուն վիճակում էր նախքան 2020թ․ պատերազմը։

«Ռազմինֆոյի»  հաղորդմամբ` աերոդրոմը տեղակայված է Նախիջևանի միջազգային օդանավակայանի հարևանությամբ, թե՛ քաղաքացիական, թե՛ ռազմական ավիացիան կիսում են նույն թռիչքուղիները։ Ընդհանուր առմամբ կառուցվել է ուղղաթիռների և ինքնաթիռների* պահպանման համար 8 անգար, կայանատեղիներ, օժանդակ շինություններ, վերակառուցվել է մեկ թռիչքուղի։

Օդանավակայանում կա երկու թռիչքուղի, որոնցից մեկը 2018թ․ քանդվում է և հիմնովին վերակառուցվում։ 2020թ․ սկզբին շինարարական աշխատանքներն արդեն ավարտուն տեսք ունեին։

Անգարների շինարարությունն սկսվել էր 2016 թվականից և ընթացել փուլերով։ 2019թ․ դրությամբ բոլոր 8 անգարներն էլ պատրաստ էին, անգարների կառուցումից հետո բարեկարգվում ու վերակառուցվում է նաև թիռիչքուղու հարակից հատվածը, ինչն ավարտվում է 2020թ․ ամռանը։ Զուգահեռ՝ 2017թ-ից վերակառուցվում է նաև օդանավակայանի հարևանությամբ տեղակայված ՀՕՊ զորամասը, որը գործում է ռազմաօդային ուժերի ենթակայությամբ։

Դատելով բաց աղբյուրների և արբանյակային լուսանկարների վերլուծությունից՝ 2020թ․ սեպտեմբերի 27-ին մեկնարկած պատերազմից առաջ շինարարական աշխատանքները ավարտուն տեսք ունեին, իսկ 2021թ․ մայիսի 10-ի բացման արարողությունը պայմանավորված է Ալիևի այցով։

Այս թեմայով Խաչիկ Ասրյանի կոշտ պատասխանն՝ Իլհամ Ալիևին Իլհամ Ալիևը մեկնել է Թուրքիա Ալիևները թեյում և մուղամ են լսում Շուշիում Ամերիկյան The National Interest ամսագիրը Իլհամ Ալիևին համեմատել է Սադամ Հուսեյնի հետ «Իլհամ Ալիևը մարդասպան է». բողոքի ակցիա` Ադրբեջանում (տեսանյութ) Ալիևը ձնագնդի է խաղում Հադրութի շրջանում (տեսանյութ) Ադրբեջանցիները Նավալնիի աջակիցների ցույցերի ժամանակ գովազդում են Ալիևին (տեսանյութ) Լեհ քաղաքական գործիչը թողարկել է Ադրբեջանի պատերազմական հանցագործությունների վերաբերյալ բրոշյուրներ (տեսանյութ) Իլհամ Ալիևը տիկնոջ հետ թեյել է Շուշիում (տեսանյութ) Ալիևները Սուրբ Ղազանչեցոց եկեղեցում են