Իշխանությունները «մաքրում» են Սամվել Ալեքսանյանի ճանապարհը

ԱԺ նախկին պատգամավոր, գործարար Սամվել Ալեքսանյանի ընտանիքին պատկանող «Բաղրամյան» ՍՊԸ–ն իշխանափոխությունից հետո շեշտակի ավելացրել է ցորենի շուկայում իր մասնաբաժինը։  Դա ակնհայտ է դառնում՝  ՏՄՊՊՀ–ի հրապարակած՝ ցորենի և ալյուրի շրջանառության ոլորտին վերաբերող պաշտոնական վերջին տվյալներից։ 

«Բաղրամյան» ՍՊԸ–ն, որը մինչև 2018թ. կեսերը գործունեություն էր իրականացնում «Ալեքս Հոլդինգ» ՍՊԸ–ի անվան տակ, 2019–ի ընթացքում 2018–ի համամատ ցորենի շուկայում 10 տոկոսով ավելացրել է իր մասնաբաժինը՝ ստանալով շուկայի 63 տոկոսի մենաշնորհը։ Ցորենի շուկայում գերիշխող դիրք ունեցող «Բաղրամյան» ՍՊԸ–ն այս ժամանակահատվածում շուրջ 70 տոկոսով ավելացրել է նաև սեփական կարիքների համար ցորենի օգտագործումը։ Այսինքն, եթե նախկինում այս ընկերությունը ցորեն էր ներկրում և վերավաճառում տարբեր ալրաղացների, ապա 2019–ից սկսած նա ավելացրել է իր ազդեցությունը նաև ալյուրի շուկայում՝  վաճառելով իր ներկրած ցորենից ստացված ալյուրը։ Հատկանշական է, որ Ալեքսանյանների ընտանիքին պատկանող ընկերությունները ոչ միայն վերահսկում են ալյուրի մեծածախ, այլև մանրածախ շուկան։ Մասնավորապես, Երևանի ամենամեծ սուպերմարկետների ցանցում՝ «Երևան Սիթիում» (Ալեքսանյան ընտանիքին պատկանող) ավելացել են մանրածախ ալյուրի իրացման ծավալները։ Հանրությանը հայտնի օլիգարխը «Սևանի հացի գործարան» ընկերության միջոցով մուտք է գործել անգամ հացաբուլկեղենի և խմորեղենի շուկա՝ դաշտից դուրս թողնելով բազմաթիվ փոքր և միջին արտադրողների։

Տնտեսական մրցակցության պաշտպանության հանձնաժողովն ամեն ինչ անում է՝ հիմնավորելու, որ շուկայի մասնակիցների քանակը գնալով ավելանում է, իսկ մրցակցությունը՝ խորանում, սակայն, իրականում ունենք հակառակ պատկերը: ՏՄՊՊՀ-ն ակնհայտորեն աչք է փակում Սամվել Ալեքսանյանի մենաշնորհի ընդլայնմանը, իսկ հանգամանքը, որ մենաշնորհի ավելացմանը զուգահեռ Ալեքսանյանի ընկերությունը գնալով ավելի ու ավելի քիչ հարկեր է վճարում, կարծես չի հուզում ՊԵԿ-ին:

Մամուլում տեղեկություններ էին տարածվում, որ Սամվել Ալեքսանյանը հաճախ է լինում ՏՄՊՊՀ-ում, գուցե հենց սրանով է պայմանավորված այն հանգամանքը, որ սույն կառույցը որևէ կերպ չի ցանկանում նկատել ցորենի և ալյուրի շուկայում տեղի ունեցող մոնոպոլիզացիան: Բացի այդ, 2020 թվականի ընթացքում Սամվել Ալեքսանյանը Նիկոլ Փաշինյանի «Իմ քայլը» հիմնադրամին է փոխանցել ավելի քան  10 միլիոն դրամ: Թերևս դա է նաև պատճառներից մեկը, որ ամեն գնով իշխանությունը պահել ցանկացող Փաշինյանը, ով ժամանակին պայքարում էր մենաշնորհների դեմ, կշարունակի հոժարակամ աչք փակել  Ալեքսանյանին տրված մենաշնորհների վրա։ Արդյունքում ունենք մի վիճակ, երբ Հայաստանի պարենային անվտանգությունը կախված է մեկ մարդուց, մեկ օլիգարխից:

Այս թեմայով Հայաստանում արհեստական մենաշնորհ չկա. Գեղամ Գևորգյան Բանանը ձեր իշխանության սիմվոլն ա, ինձնից լավ կիմանաք՝ մենաշնորհ կա, թե ոչ. Մամիջանյան Վառելիքի շուկայում 2017թ. մենաշնորհ դիրք ունեցող չի եղել, եղել է գերիշխող դիրք. ՏՀՄՀ անդամի թեկնածու Սամվել Ալեքսանյանի՝ զուգագուլպաների արտադրող «Ալեքս Սոկս» ընկերությունն ազատվեց մաքսատուրքից Լուսանկարներ՝ Սամվել Ալեքսանյանի որդու հարսանիքից «Հրապարակ». Սամվել Ալեքսանյանի որդու հարսանիքը՝ Դուբայում. Փաշինյանի ընտանիքից եւս անդամներ եղել են Էլեկտրաէներգիայի մենաշնորհի էջը փակվո՞ւմ է․ «Փաստ» Սամվել Ալեքսանյանն ընտանիքի հետ Հնդկաստանում է. ինչպես են նրանց դիմավորել (տեսանյութ, լուսանկարներ) Ինչո՞ւ է Սամվել Ալեքսանյանը կիրակի օրով այցելել ԵՊՀ և ուսումնասիրել նկուղները. «Հրապարակ» Կանաչապատ տարածքի փոխարեն՝ բազմաֆունկցիոնալ համալիր. այն պատկանում է Սամվել Ալեքսանյանի քրոջը