«Փաստ». Կառավարության հերթական բլեֆը. 97 տոկոսի կենսաթոշակը չի բարձրանա

«Փաստ» օրաթերթը գրում է.

«Մեկ շաբաթից ավելի է, որ ահռելի աշխատավարձ, պարգևավճարներ ստացող, պատգամավորական վճարները 400 տոկոսով բարձրացնող իշխանությունները թմբկահարում են «աշխարհացունց» նորությունը, թե 2022 թվականի հունվարի 1-ից նախատեսում են բարձրացնել կենսաթոշակները՝ ամբողջ 2100 դրամով: Սա դարձել է թե՛ ծաղրի, թե՛ քննադատության առարկա: Տնտեսագետները նույնիսկ վերլուծություններ են անում, որ նման բարձրացումը թոշակառուների համար զրոյական նշանակություն ունի, հատկապես առկա սարսափելի գնաճի պայմաններում: Այս ամբողջ աղմուկի մեջ, սակայն, կարծես մոռացվեց ամենակարևորը:

Բարձրանում է ոչ թե բազային կենսաթոշակը, այլ նվազագույնը, որը դառնում է 28600 դրամ՝ ներկայումս սահմանված 26500 դրամի փոխարեն: Իհարկե, կառավարությունը սա չի թաքցրել, պարզ հայտարարել են, որ բարձրանում է նվազագույն կենսաթոշակը: Սակայն տեղեկությունը մատուցվեց այնպես, որ թոշակառուները կարծեցին, թե իրենց թոշակը բարձրանալու է, թեկուզ չնչին չափով:

Կարելի է ասել՝ անթերի փիառ արվեց: Իրականում, սակայն, կբարձրանա աշխատանքային կենսաթոշակ ստացող ընդամենը 15 600 քաղաքացու կենսաթոշակ, այսինքն՝ նրանցը, ովքեր մինչ այս ստանում էին 26500 դրամից ցածր թոշակ: Իսկ աշխատանքային որոշակի ստաժ ունեցող և ներկայումս 28600 դրամից ավելի ստացողների կենսաթոշակը ոչ մի լումայով չի բարձրանա: Ի դեպ, ավելորդ չէ նշել, որ նշյալ 15600 թիվը ընդհանուր կենսաթոշակառուների մոտ 3 տոկոսն է»:

Առավել մանրամասն՝ թերթի այսօրվա համարում

Այս թեմայով Պատմության և մշակույթի հուշարձանների պահպանության մասնագետները հերթական շրջայցն են իրականացրել Կառավարության գաղտնի որոշմամբ վաճառքի է հանվել Գիտատեխնիական գրադարանի շենքը. 60 տարվա պատմության փոշիացումը ցեղասպանություն է, քրեական հանցագործություն Փարաքար համայնքում այսօր տեղի ունեցածը ոչ այլ ինչ էր, քան իշխանազավթման հերթական դրսևորում. «Ապրելու երկիր» Կառավարության շենքը գերպաշտպանված է բազամթիվ ոստիկաններով (տեսանյութ) Կառավարության բոլոր մուտքերը գերպաշտպանված են ոստիկանության մեծաթիվ ուժերով (տեսանյութ) ՀԻՄԱ. Փաշինյանը վարում է Կառավարության նիստը Սև բերետներն ու վահանավորներն արդեն կառավարության դիմաց են, սպասում են ակցիային (տեսանյութ) ՈւՂԻՂ․ կառավարության նիստին զուգահեռ Սրբազանն աջակիցների հետ մեքենաներով ակցիա է անում հրապարակում Սարդարապատի հուշահամալիրում բռնի գործողությունները հերթական դրվագն են իշխանությունների ամոթալի ու ապազգային գործունեության․ Մայր Աթոռ «Սրբազան պայքար» գրությամբ ծաղկեպսակով ծածկել են Կառավարության ղեկավարի անունից դրված ծաղկեպսակը