Հարավային երկաթգծի վերականգնման հարց քննարկվում է, բայց ճանապարհ` չի քննարկվում. Մհեր Գրիգորյան

Մինչ կառավարությունը բանակցում է ճանապարհներն ապաշրջափակելու ուղղությամբ, Ադրբեջանը վերահսկողություն սահմանեց Հայաստանի հարավային ճանապարհի նկատմամբ։ Այսօր արդեն երեք կողմից ենք շրջափակված։ Այս մասին ԱԺ-ում ասաց «Հայաստան» խմբակցության պատգամավոր Արթուր Խաչատրյանը։

Նա նկատեց՝ խոսում են այլընտրանքային ճանապարհից, սակայն այն փաստը, որ իրանցի վարորդները գերադասում են գումար վճարել, այլ ոչ թե այլընտրանքային ճանապարհից օգտվեն, ապացուցում է, որ այն այդքան էլ արդյունավետ, իրական այլընտրանք չէ։

«Մոտավորապես ի՞նչ ճանապարհների մասին է խոսք գնում։ Խնդրում եմ շեշտել՝ արդյոք Վարդենիս-Մարտակերտ ճանապարհի ապաշրջափակումը ներառվա՞ծ է այդ բանակցությունների շրջանակի մեջ»,-ասաց պատգամավորը։
ՀՀ փոխվարչապետ Մհեր Գրիգորյանն ասաց, որ Վարդենիս-Մարտակերտ ճանապարհի ապաշրջափակումն օրակարգում չկա։ Նա նշեց, որ եռակողմ աշխատանքային խմբի աշխատանքները կազմակերպում են հունվարի 11-ի հայտարարության բովանդակության շրջանակներում և դրանից դուրս չեն գալիս։

«Հարավային երկաթգծի վերականգնման հարց քննարկվում է, բայց ճանապարհ` չի քննարկվում։ Խոսքը վերաբերում է ապաշրջափակմանը, այսինքն տարածաշրջանում բոլոր երկրներին հնարավորություն տալ փոխադարձ օգտագործել գործող ենթակառուցվածքները»,-ասաց փոխվարչապետը։

Պատգամավորի դիտարկմանը, որ Ալիևն ու Էրդողանը հայտարարել են՝ Վարանդայից Կոստանդնուպոլիս ճանապարհի կառուցման մասին, արդյոք դա ևս ներառված է բանակցությունների շրջանակում, Մհեր Գրիգորյանն ասաց, որ ինքը հղում է անում գրավոր փաստաթղթերի վրա, որոնք ստորագրված են եռակողմ, և իրենք այդ հայտարարության շրջանակներում են մնում։

Այս թեմայով Փոխվարչապետ Մհեր Գրիգորյանը Մոսկվայում մասնակցում է ԵՏՀ խորհրդի նիստին Արարատ Միրզոյանը հանդիպում է ունեցել Ղազախստանի փոխվարչապետ Մուրատ Նուրտլաուի հետ Փոխվարչապետ Մհեր Գրիգորյանն ընդունել է ՄԱԶԾ տարածաշրջանային բյուրոյի տնօրենին Փոխվարչապետ Տիգրան Խաչատրյանն ընդունել է Ջեյմս Թուֆենկյանին Փոխվարչապետ Մհեր Գրիգորյանն ընդունել է ԱՄՆ դեսպանին Փոխվարչապետ Մհեր Գրիգորյանը նոր խորհրդական ունի Հայաստանը մեր դաշնակիցն է․ ՌԴ փոխվարչապետ (տեսանյութ) Փոխվարչապետ Խաչատրյանը հանդիպել է ՀՀ-ում հավատարմագրված դիվանագիտական ներկայացուցչությունների ղեկավարներին ՀՀ ԱԳ նախարարի հայտարարությունը Ղազախստանի փոխվարչապետ, ԱԳ նախարարի հետ հանդիպման արդյունքներով Վահագն Խաչատուրյանը հանդիպում է ունեցել Իրաքյան Քուրդիստանի փոխվարչապետ Քուբաթ Թալաբանիի հետ