Ինչպես է Փարաքարում ընտրվել 2 համայնքապետ. մանրամասներ

Ինչպես հայտնել էինք քիչ առաջ, Փարաքարում բնակիչներն ակցիա են իրականացնում, քանի որ համայնքում ընտրվել է երկու համայնքապետ: Նրանք պահանջում են, որ համայնքի ղեկավար դառնա «Ապրելու երկիր» կուսակցության համայնքապետի թեկնածու Վոլոդյա Գրիգորյանը:

Նշենք, որ դեկտեմբերի 20-ին տեղի ունեցած ավագանու անդրանիկ նիստից հետո «Դավիթ Մինասյան» դաշինքի համայնքապետի թեկնածու Դավիթ Մինասյանը և «Ապրելու երկիր» կուսակցության թեկնածու Վոլոդյա Գրիգորյանը ֆեյսբուքյան իրենց էջերում հայտարարել են, որ ընտրվել են համայնքի ղեկավար:

Պարզելու՝ ինչպես է այդպիսի բան հնարավոր ԼՈՒՐԵՐ.com-ը կապ հաստատեց համայնքապետարանի աշխատակցի հետ, որն ասաց դեռ այս պահին էլ համայնքապետարանի դիմաց հավաքված բնակիչներ կան.

«Նիստի ընթացքում ավագանու 21 անդամները ներկա են եղել: Նիստը վարողը չի ընդունել «Քաղաքացիական պայմանագիր» կուսակցության և «Դավիթ Մինասյան» դաշինքի թեկնածությունները, միայն «Ապրելու երկիր» կուսակցության կողմից առաջադրված համայնքապետի թեկնածու՝ Վոլոդյա Գրիգորյանի թեկնածությունն է վերցրել, քվեարկել են միայն այդ կուսակցության ավագանու անդամները, որից հետո լքել նիստերի դահլիճը: Այնուհետև  նիստը վարող հաջորդ ավագ անդամը շարունակել է այն և արդեն «ավագանու անդամները քվեարկություն են կատարել և 11 կողմ ձայնով ընտրվել է Դավիթ Մինասյանը»,- իրավիճակը ներկայացրեց համայնքապետարանի աշխատակցուհին՝ որևէ այլ մանրամասներ չներկայացնելով:

Հավելենք նաև, որ փորձեցինք կապ հաստատել Փարաքար համայնքի «երկու ղեկավարների» հետ, բայց, այդպես էլ, ապարդյուն:

Զվարթ Պետրոսյան

Այս թեմայով Ջրհեղեղից զգալիորեն տուժել են նաև Նոյեմբերյան խոշորացված համայնքի բնակավայրերը. համայնքապետը ներկայացրել է իրավիճակը Փարաքար համայնքում այսօր տեղի ունեցածը ոչ այլ ինչ էր, քան իշխանազավթման հերթական դրսևորում. «Ապրելու երկիր» Դուք ապօրինի կերպով մեքենաները տանում եք, մենք խաղաղ ակցիա ենք անում. Գառնիկ Դանիելյան (տեսանյութ) ՈւՂԻՂ․ Բագրատ Սրբազանի կոչով ավտոմեքենաներով ակցիա՝ Հանրապետության հրապարակում ՈւՂԻՂ․ կառավարության նիստին զուգահեռ Սրբազանն աջակիցների հետ մեքենաներով ակցիա է անում հրապարակում Լոռու մարզպետը և Ալավերդի համայնքի ղեկավարը շրջայց են իրականացրել ջրհեղեղից տուժած բնակավայրերով Վնասվել է Ստեփանավան համայնքի ձախափնյա հատվածը և Տաշիր քաղաքը սնուցող գազատարը 200-ից ավելի արցախյան կազմակերպությունների նամակը փոխանցվել է ԵԱՀԿ գործող նախագահին Փարաքար համայնքի ղեկավարը հրաժարական է ներկայացրել Իրանի զոհված նախագահի հիշատակին Թեհրանում սգո ակցիա է իրականացվում