Թուրքիայում պարգևատրել են ադրբեջանցի կեղծ հերոսի, որը խարդախության համար գտնվում է հետախուզման մեջ

Ադրբեջանցի Ռասիմ Ահմադլընը, ում Թուրքիայի Մարմարիս բնակավայրի քաղաքապետ Մեհմեթ Օքթայը ներկայացրել է որպես «անտառային հրդեհների ժամանակ հերոսություն ցուցաբերած ադրբեջանցի հրամանատար», պարզվել է, որ հասարակ խաբեբա է և հետախուզվում է տարբեր հանցագործություններ կատարելու պատճառով։ Պարզվել է, որ Ահմադլին աշխատում է արագ սննդի կետում։

Էրմենիհաբերի փոխանցմամբ՝  այն, ինչ կատարվել է Մարմարիսի քաղաքապետարանում, թուրքական մամուլը բնութագրել է որպես իսկական կատակերգական ֆիլմ։ Պարզվել է, որ այն անձը, ում Մարմարիսի քաղաքապետը՝ CHP-ական Մեհմեդ Օքթայը պարգևատրել է որպես «Հրշեջների հերոս ադրբեջանցի հրամանատար», ադրբեջանցի քաբաբագործ է։

Ադրբեջանական կողմը տեղեկացրել է, որ կեղծ հրամանատար Ռասիմ Ահմադլին հետախուզման մեջ գտնվող խարդախ է, որը բազմաթիվ քրեական պատմությունների մեջ է ներգրավված։

Սկանդալային այցը տեղի է ունեցել դեկտեմբերի 31-ին։ Ռասիմ Ահմադլին, ով ներկայացել է որպես Մարմարիսում անտառային հրդեհի մարման աշխատանքներին մասնակցած ադրբեջանական թիմի հրամանատար, այցելել է նաև Մարմարիսի քաղաքապետ Մեհմեթ Օքթային։ Գնդապետի կոչումով զինվորական համազգեստով գրասենյակ եկած Ահմադլիի այցելությանը ներկա են եղել նաև մամուլի բազմաթիվ ներկայացուցիչներ։

Փոխադարձ հաճոյախոսություններից հետո տեղի է ունեցել նվերների և հուշատախտակների հանձնման արարողություն։ Այցը նույն օրը լայնորեն լուսաբանվել է թուրքական մամուլում։ Սակայն այցից մեկ շաբաթ անց պարզվել է, որ Ադրբեջանում գոյություն չունի այնպիսի համազգեստ, որը հանդիպման ժամանակ կրել է Ահմադլըն։

Ադրբեջանական մամուլը, որը հետևել է միջադեպին, բացահայտել է, որ Ահմադլըն Ադրբեջանից փախուստի է դիմել և Թուրքիայում զբաղվել «քաբաբագործությամբ»։ Սկանդալից հետո Մարմարիսի քաղաքապետարանը սոցցանցերի իր էջերից ջնջել է կեղծ հերոսի մեծարման վերոհիշյալ արարողության մասին գրառումները։

Այս թեմայով Զենքով խփել են մեջքիս, որ ասեմ Ղարաբաղը Ադրբեջան է, Ստեփանակերտը` Խանքենդի (տեսանյութ) Իշխանությունն Արցախի հետ տեղի ունեցածի պատասխանատվությունն ուզում է բաշխել բացառապես արցախցիների վրա. Տիգրան Աբրահամյան Ռուսաստան-Հայաստան-Ադրբեջան եռակողմ պայմանավորվածություններն օդում կախված են մնացել. Լավրով Արարատ Միրզոյանը դիվանագետների հետ այցելել է Կիրանց և ՀՀ-Ադրբեջան միջպետական սահման ԵԽԽՎ նախագահը մեկնաբանել է ԵԽԽՎ որոշ անդամների՝ Ադրբեջան մուտքի արգելքը Գնան Ադրբեջան ի՞նչ անեն, գնան ստորանալո՞ւ. Սրբազան Հետիոտնի անցում` դեպի Ադրբեջան Պուտինի` Ադրբեջան այցի հիմնական արդյունքը կարող է լինել Ռուսաստանում հայկական կոնյակի վաճառքի արգելքը. ԶԼՄ Պուտինը կմեկնի Ադրբեջան «Անտերությունն էլ ո՞նց է լինում. Փաշինյանի հանձնարարականները շան տեղ դնող չկա». Հայկ Մամիջանյան (տեսանյութ)