Անմեղ կինը 13 օր բանտում է անցկացրել իր անվան պատճառով

Կալիֆորնիայի Լոս Անջելեսի անմեղ բնակչուհին 13 օր անցկացրել է ճաղերի հետևում, քանի որ ոստիկանությունը նրան շփոթել է իր անվանակցի հետ։ Այս մասին հայտնում է Yahoo-ն։

Բեթանի Կ. Ֆարբերն ասում է, որ իր խնդիրներն սկսվել են ապրիլին, երբ Լոս Անջելեսի միջազգային օդանավակայանում սպասում էր դեպի մեքսիկական Պուերտո Էսկոնդիդո քաղաք թռիչքին:

Ամերիկուհուն ուղեկցել են անձնակազմի սենյակ՝ տրանսպորտի անվտանգության ծառայության ներկայացուցիչների հետ միասին։ Այնտեղ կինը մոտ երկու ժամ սպասել է և բաց է թողել իր թռիչքը, մինչև նրան հայտնել են, որ Տեխաս նահանգում իր անունով ձերբակալության հրաման է տրվել։ Ոստիկանությունը ձերբակալել է Ֆարբերին՝ առանց նրա ինքնությունը ճշտելու կամ նրա վարորդական իրավունքին և այլ փաստաթղթերին նայելու։ Նրան տեղավորել են կանանց բանտում։

Բանտից դուրս գալուց հետո ամերիկուհին դատական ​​հայց է ներկայացրել Լոս Անջելեսի ոստիկանության, Լոս Անջելեսի օդանավակայանի ոստիկանության դեմ։ Ֆարբերը մեղադրել է նրանց անփութության և իրեն բարոյական վնաս պատճառելու մեջ։

Հայցում նշվում է, որ Բեթանի Ֆարբերի և հետախուզման մեջ գտնվող նրա անվանակցի լուսանկարներին մեկ անգամ նայելը բավական կլինի՝ իմանալու, որ սխալ մարդ է ձերբակալվել։ Ամերիկուհին նշել է, որ բանտում գտնվելու ընթացքում իր 90-ամյա տատիկն այնքան է տառապել, որ ազատվելուց անմիջապես հետո մահացել է։ Կինը դատարանից խնդրում է իրեն դրամական փոխհատուցում տալ։

Այս թեմայով Կալիֆորնիայում հրաձգության հետևանքով` հինգ մարդ է զոհվել. CBS Կալիֆորնիայում 5,4 մագնիտուդ ուժգնությամբ երկրաշարժ է գրանցվել Կալիֆորնիայում ջրհեղեղի զոհերի թիվը հասել է 20-ի. Reuters Կալիֆորնիայի Իրվայնի քաղաքապետը ծիծաղելով իր ուրախությունն է հայտնել հայերի «անհետացման» կապակցությամբ Կալիֆորնիայի «մանուշակագույն ժամը» (լուսանկարներ) «Սարսափելի» 2020 թվականի նոր մարտահրավերը. Կալիֆորնիայում անտառային հրդեհներ են․ BBC (տեսանյութ) Կալիֆորնիան՝ աղջամուղջի մեջ (լուսանկարներ) Կալիֆորնիայում երկու հայ երիտասարդներ բանկոմատներից հափշտակել են ավելի քան 164 000 ԱՄՆ դոլար