«Բաքվում պահվող գերեվարված անձանց տեսաուղերձները Հայաստանում փոխանցվել են նրանց ընտանիքի անդամներին»

Բաքվում պահվող գերեվարված անձանց տեսաուղերձները Հայաստանում փոխանցվել են նրանց ընտանիքի անդամներին: Այս մասին ԼՈՒՐԵՐ.com-ի հետ զրույցում ասաց Կարմիր խաչի միջազգային կոմիտեի հայաստանյան գրասենյակի հաղորդակցության ծրագրերի պատասխանատու Զառա Ամատունին` ընդգծելով, որ Կարմիր խաչի միջազգային կոմիտեի ներկայացուցիչները փետրվարի վերջին և մարտի սկզբին այցելել են Բաքվում պահվող գերեվարված անձանց։ 

«Այցի ընթացքում բոլորին հնարավորություն է տրվել նամակներ փոխանցել, տեղում կատարել հեռախոսազանգեր և տեսանկարահանել տեսաուղերձներ, որոնք այնուհետև Հայաստանում փոխանցվել են նրանց ընտանիքի անդամներին»,- նշեց Զառա Ամատունին։

Վերջինս ասաց, որ սովորաբար հաղորդակցման միջոցները նույնն են և կարելի է ասել, բոլոր նշված հնարավորությունները տրվում են յուրաքանչյուր գերեվարվածի, որին տեսակցում են պատվիրակները և անցկացնում առանձնազրույցներ.

«Բոլոր գերավարված անձանց տրվում են ընտանիքի հետ կապ հաստատելու վերոնշյալ հնարավոր միջոցները, իսկ թե հաղորդակցության հենց որ միջոցը կընտրի ռազմագերին, իր իրավունքն է: Նրանցից յուրաքանչյուրը այդ մասով ազատ է ընտրություն կատարելու մեջ, կարող է նաև բացարձակապես հրաժարվել ընտանիքի անդամներին որևէ հաղորդագրություն փոխանցելուց»,- նշեց մեր զրուցակիցը հավելելով՝ մինչ սա, վերջին տեսակցությունը եղել է հունվար ամսին.

«Ամսական կտրվածքով, քիչ թե շատ, հնարավորություն է լինում տեսակցել գերեվարվածներին»,- եզրափակեց նա:

Այս թեմայով Այս իշխանությունը Արցախը համարում է Ադրբեջան, իսկ արցախցիներին՝ փախստական. Բաբայան ՀՀ ԱԽ քարտուղարը և ԵԱՀԿ Մինսկի խմբի ԱՄՆ համանախագահը քննարկել են ՀՀ- Ադրբեջան հարաբերությունների կարգավորման գործընթացը Հայաստանն «Արևմտյան Ադրբեջան» անվանողի հետ գործակցողները շարունակում են նախկիններին մեղադրել. Գալստյան (տեսանյութ) Մենք եղբայրների պես ենք. Լուկաշենկոն՝ Բելառուս-Ադրբեջան հարաբերությունների մասին ՀՀ-ն ու Ադրբեջանը ցանկանում են երկկողմանի հարթության վրա լուծել խնդիրները, մենք աջակցում ենք (տեսանյութ) Ադրբեջանի պաշտպանության փոխնախարարն ազատվել է պաշտոնից Բաքվում բացվել է «Արևմտյան Ադրբեջան հեռուստատեսության» շենքը․ Monument Watch-ը ահազանգում է Ռուսաստանը ցանկանում է իր սահմանապահներին տեղակայել Հայաստան-Ադրբեջան սահմանին. Թոմաս դը Վաալ Ադրբեջանում երկրաշարժ է տեղի ունեցել Ադրբեջանն արդեն 30 տարի է՝ ՆԱՏՕ-ի գործընկերն է․ Կոլոմինա