Բժիշկները պարզել են, թե ինչու են տղամարդիկ ավելի հաճախ քաղցկեղով հիվանդանում, քան կանայք

Քաղցկեղի տեսակների մեծամասնության մակարդակը տղամարդկանց մոտ ավելի բարձր է, քան կանանց մոտ, ասվում է CANCER ամսագրում հրապարակված հետազոտության մեջ: Իսկ դրա պատճառը, ըստ երեւույթին, սեռերի կենսաբանական տարբերությունների մեջ է։

Աշխատանքն իրականացվել է ԱՄՆ Առողջապահության ազգային ինստիտուտի գիտնականների կողմից, նրանք գնահատել են քաղցկեղի 21 տեսակների ռիսկի տարբերությունը 171274 տղամարդկանց և 122826 50-ից 71 տարեկան կանանց մոտ, ովքեր մասնակցել են հետազոտությանը 1995-2011 թվականներին: Այս ընթացքում տղամարդկանց շրջանում գրանցվել է քաղցկեղի 17951 նոր դեպք, իսկ կանանց մոտ՝ 8742։

Այսպիսով, տղամարդկանց շրջանում քաղցկեղի առաջացման ռիսկերը միջինում 3,3-10,8 անգամ ավելի են եղել, քան կանանց մոտ։ Օրինակ՝ կերակրափողի քաղցկեղի վտանգը 10,8 անգամ բարձր է եղել, կոկորդինը՝ 3,5, ստամոքսինը՝ 3,5, միզապարկի քաղցկեղինը՝ 3,3 անգամ։

Տղամարդկանց մոտ աճել է քաղցկեղի տեսակների մեծ մասի ռիսկը նույնիսկ այն բանից հետո, երբ շտկել են իրենց վարքը և վերացնելով այն գործոնները, որոնք մեծացնում են հիվանդության զարգացման հավանականությունը (ծխելը, ալկոհոլիզմը և այլն): Գիտնականները ենթադրում են, որ պատճառները կարող են ընկած լինել գենդերային տարբերությունների մեջ:

«Մեր արդյունքները ցույց են տալիս, որ կան քաղցկեղի դեպքերի տարբերություններ, որոնք չեն բացատրվում միայն շրջակա միջավայրի ազդեցության ներքո: Սա խոսում է այն մասին, որ կան ներհատուկ կենսաբանական տարբերություններ տղամարդկանց և կանանց միջև, որոնք ազդում են քաղցկեղի նկատմամբ զգայունության վրա», - ասում է հետազոտության հեղինակ Սառա Ջեքսոնը:

Հետազոտողները կշարունակեն ուսումնասիրել քաղցկեղի ռիսկի հետ կապված սեռերի տարբերությունների պատճառները, ինչը կարող է կարևոր տեղեկություն տրամադրել հիվանդության կանխարգելման և բուժման բարելավման համար:

Այս թեմայով Բաշար ալ Ասադի կնոջ մոտ քաղցկեղ է ախտորոշվել Քաղցկեղ ունենցող պացիենտներին անվճար կտրամադրվի մարդասիրական օգնությամբ ստացված «Մվասի» դեղը Բժիշկները պացիենտի աչքից հեռացրել են 12 սանտիմետրանոց որդ (լուսանկար) Տղամարդու ատամի ցավը պարզվել է՝ քաղցկեղի նշան է Ամեն տարի Հայաստանում միջինը 178 կնոջ մոտ ախտորոշվում է արգանդի պարանոցի քաղցկեղ. 115-ը մահանում է. Մուրադյան Հայաստանում քաղցկեղի բազմաթիվ տեսակներ վերջին 20 տարվա ընթացքում աճել են 75%-ով․ ԵՊԲՀ ռեկտոր Բժիշկները հայտնել են՝ արդյոք տղամարդու սեռական օրգանի չափսը կարող է փոխվել տարիքի հետ Բժիշկները պացիենտի աղիքներում ճանճ են հայտնաբերել (լուսանկար) Կինը փոխհատուցում է ստացել այն բանից հետո, երբ նրա մոտ սխալմամբ քաղցկեղ են ախտորոշել 30 բժիշկներ Արցախից և ՀՀ-ից վերապատրաստվեցին վերականգնողական բժշկության միջմասնագիտական ծրագրով