Վաղը արդեն որոշակի պատկերացում կունենանք, թե գոնե մոտավոր երբ կարող ենք ավարտել փրկարարական աշխատանքները․ փոխնախարար

«Սուրմալու» առևտրի կենտրոնի այն վայրից, որտեղ քիչ առաջ լսվել էին մարդկանց ձայներ, դեռ որոնողափրկարարական աշխատանքներ են իրականացվում, սակայն ցավոք սրտի դեռ արդյունք չունենք, այս մասին լրագրողների հետ զրույցում ասաց Արտակարգ իրավիճակների նախարարի առաջին տեղակալ Արտյուշ Գրիգորյանը։

Հարցին, թե հավանականությունը որքանով է մեծ, որ փլատակների տակ մնացած քաղաքացիները կարող են ողջ լինել, փոխնախարարն ասաց․«Ցավոք սրտի, հավանականությունը փոքր է, որ մենք փլատակների տակից կարող ենք հայտնաբերել ողջ քաղաքացիների, բայց հուսանք, որ դա տեղի կունենա այնուամենայնիվ»։

Հարցին, թե ինչ բարդությունների կան փրկարարական աշխատանքներում, Արտյուշ Գրիգորյանն ասաց, որ փրկարարական աշխատանքներին խոչընդոտում է առաջին հերթին այրված շինության առկայությունը, ԱԻՆ–ը շենքի բոլոր կողմերից իրականացնում է փրկարարական աշխատանքներ, քանի որ շինության ներսում ևս կարող են լինել կորած քաղաքացիներ։

«Բայց քանի որ շենքը ցանկացած պահի կարող է փլուզվել, հետևաբար դա որոշակի բարդություններ է առաջացնում։ Դրան զուգահեռ ամբողջ տարածքը լեփ–լեցուն է փլատակներով,  երկատբետոնե կոնստրուկցիաներով, տեղաշարժվելը բավականին բարդ է, մենք անհրաժեշտություն ունենք այնտեղ ավելի ծանր տեխնիկա աշխատեցնելու, աշխատանքներն ավելի ինտենսիվ դարձնելու համար, բայց միևնույն ժամանակ ինքներդ հասկանում եք, որ փլատակների մեջ կարող են մարդիկ լինել, ինչը որոշակի նրբություններ և բարդություններ է առաջացնում։ Հետևաբար՝ ծանր տեխնիկային զուգահեռ, նաև մարդու ձեռքերն են աշխատում»,– ասաց նա։

Հարցին, թե արդյոք այլ երկրներից օգնություն խնդրելու անհրաժեշտություն կա, փոխնախարարը բացասական պատասխան տվեց՝ նշելով, որ ԱԻՆ-ի ռեսուրսները բավարարում են։

Արտյուշ Գրիգորյանը նաև ասաց, որ կամավորներին ներգրավում են փրկարարական աշխատանքներում, սակայն խուսափում են նրանց ներգրավել ավելի պորֆեսիոնալ հմտություններ պահանջող գործողություններում, քանի որ կամավորները աշխատանքի ընթացքում կարող են իրենք իրենց վնասել։

Փոխնախարարը նաև դժվարացավ ասել, թե դեռ կոնկրետ քանի օր կշարունակվեն աշխատանքները, թեև նշեց, որ դրանք դեռ մի քանի օր կտևեն։ «Վաղը՝ օրվա երկրորդ կեսին, մենք արդեն որոշակի պատկերացում կունենանք, թե գոնե մոտավորապես երբ կարող ենք ավարտել փրկարարական աշխատանքները»։

Այս թեմայով «Սուրմալու»-ի ողբերգական դեպքը դաս չեղավ Գարեգին Խաչատրյանի և նրա ղեկավարած տեսչական մարմնի համար «Սուրմալու»-ի պայթյունի գործը դատարանում է. հայտնի է, թե որ դատարավորն է քննելու Այսօրվանից թույլատրվել է «Սուրմալու» տոնավաճառի գործունեությունը «Սուրմալու»–ի առեւտրականների բողոքի ակցիան. մեծ թվով կարմիրբերետավորներ են բերվել (ուղիղ) Ամբողջությամբ դադարեցվել է «Սուրմալու» տոնավաճառի գործունեությունը Կալանավորվել է «Սուրմալու»-ի պահեստային տարածքը վարձակալած տնտեսվարողը «Երևանի պահածոների գործարան» ՓԲԸ-ի տնօրենը կալանավորվել է Ձերբակալվել է «Սուրմալու» առևտրի կենտրոնի տնօրեն Իրինա Մադաթովան «Սուրմալու»-ի պայթյունի հետևանքով զոհերի ընտանիքների աջակցության համար դիմելու վերջնաժամկետն այսօր է «Սուրմալու»-ի պատահարից տուժածները պետության կողմից աջակցություն ստանալու համար կարող են դիմել մինչև