Մենք նոր Չեռնոբիլ չենք ուզում․ Էրդողան

Թուրքիայի նախագահ Թայիփ Էրդողանը հայտարարել է, որ իր ուկրաինացի գործընկեր Վլադիմիր Զելենսկու եւ ՄԱԿ-ի գլխավոր քարտուղար Անտոնիո Գուտերեշի հետ եռակողմ հանդիպման ժամանակ քննարկել է Ուկրաինայում պատերազմին վերջ տալու հնարավոր ուղիները, հայտնում է Anadolu-ն։

Ելույթ ունենալով Լվովում հանդիպումից հետո՝ Էրդողանն ասել է, որ հանդիպման ընթացքում կողմերը քննարկել են՝ ՄԱԿ-ի միջնորդությամբ հացահատիկի արտահանման գործարքի արդյունքում ստեղծված դրական մթնոլորտը կայուն խաղաղություն կառուցելու համար օգտագործելու հարցը։ «Անձամբ ես շարունակում եմ հավատալ, որ պատերազմն ի վերջո կավարտվի բանակցությունների սեղանի շուրջ։ Իրականում Զելենսկին ու Գուտերեշն այս հարցում համակարծիք են։ Ամբողջ հարցն այն է, որ դեպի բանակցությունների սեղան տանող ամենակարճ եւ ամենաարդար ճանապարհը գտնվի: Կարծում եմ, որ բանակցությունները կարող են վերսկսվել այն չափորոշիչների հիման վրա, որոնք ձեւավորվել են մարտին Ստամբուլում։ Մենք պատրաստ ենք եւս մեկ անգամ հանդես գալ որպես միջնորդ՝ այդ նպատակին հասնելու ճանապարհին հնարավոր բոլոր աջակցությունը ցուցաբերելու համար»,- ասել է նա։

Էրդողանը նաեւ մտահոգություն է հայտնել Զապորոժիեի ատոմակայանի շուրջ ստեղծված իրավիճակի կապակցությամբ։ «Մենք նոր Չեռնոբիլ չենք ուզում»,- ասել է նա։

Նա նաեւ հայտնել է, որ քննարկվել է Ուկրաինայի եւ Ռուսաստանի միջեւ ռազմագերիների փոխանակման հարցը, եւ որ ինքն ավելի ուշ այդ հարցը կբարձրացնի ՌԴ նախագահ Վլադիմիր Պուտինի հետ զրույցում։

Այս թեմայով Աշխարհն ուղիղ եթերում հետևում է «Նեթանյահու» անունով վամպիրի բարբարոսությանը. Էրդողան Ռուբեն Ռուբինյանը Բելգիայի դեսպանին է ներկայացրել Հայաստան-Թուրքիա հարաբերությունների կարգավորման ներկա փուլը Աշխարհում նոր հակամարտություններ են սպասվում․ Էրդողան Մենք ուրախ ենք հայ-ադրբեջանական պայմանավորվածության համար. Էրդողան Գոհ եմ Հայաստանի և Ադրբեջանի միջև «խաղաղության գործընթացի» առաջմղումից․ Էրդողան Հուսով եմ՝ որքան հնարավոր է շուտ լավ լուր կստանամ պարոն Ռաիսիից․ Էրդողան Հռոմի պապը մտադիր է հաջորդ տարի Թուրքիա այցելել Ադրբեջանի և ՀՀ-ի միջև ստորագրվելիք խաղաղության պայմանագիրը պատմական հնարավորություն է․ Էրդողան Թուրքիայի ԱԳՆ-ն միջազգային հանրությանը կոչ է արել ճանաչել Պաղեստինը Ադրբեջանի և Հայաստանի միջև խաղաղության համաձայնագիրը պետք է ստորագրվի որքան հնարավոր է շուտ․ Էրդողան