Միքայել Մինասյանի նկատմամբ միջազգային հետախուզումը դադարեցվել է․ «Հրապարակ»

«Հրապարակ» թերթը գրում է.

«Օրերս մամուլում տեղեկատվություն տարածվեց, թե Սերժ Սարգսյանի փեսայի՝ Վատիկանում ՀՀ նախկին դեսպան Միքայել Մինասյանի նկատմամբ հետախուզումը հանվել է, եւ նա այժմ ազատ է՝ մեկնելու այս կամ այն երկիր։

Հիշեցնենք․ նրա նկատմամբ դեռեւս 2020-ին քրեական հետապնդում էր սկսել Պետեկամուտների կոմիտեն՝ ապօրինի հարստացման մեղադրանքով: Ապա Մինասյանի նկատմամբ հետախուզում էր հայտարարվել, եւ քանի որ Ռուսաստանի իշխանությունները նրան չհանձնեցին ՀՀ իշխանություններին, նա մնաց Ռուսաստանում, սակայն չէր կարողանում հատել սահմանը եւ մեկնել որեւէ եվրոպական երկիր։ Եվ հիմա, ասում են, հետախուզումը հանվել է։ Օրերս էլ Մինասյանը կնոջ եւ երեխաների հետ Ինստագրամում լուսանկար էր հրապարակել Մոսկվայի Մեծ թատրոնի բակից։

Դատախազությունը մեր հարցին ի պատասխան ասաց, որ հետախուզումը Մինասյանի նկատմամբ չի դադարեցվել։ Այսինքն՝ հետախուզումը Հայաստանում չի հանվել, բայց այլեւս Ինտերպոլի կողմից միջազգային հետախուզման մեջ չէ։ Նշանակում է՝ Հայաստան գալու դեպքում նա կձերբակալվի, սակայն կարող է աշխարհով մեկ շրջել: Եվ, մեր տեղեկություններով, նա արդեն Իտալիա է մեկնել ու ապրում է Հռոմի իր տանը: Այլ աղբյուրներից տեղեկացանք, որ հենց ՀՀ իշխանություններն են միջազգային հետախուզումը դադարեցրել, բայց «երեսները չի բռնում», որ պաշտոնապես հայտարարեն: Ավելին, մեր աղբյուրը պնդում է, որ ՀՀ իշխանությունը նաեւ «փրկագին» է ստացել Միքայել Մինասյանից` այս քայլի դիմաց»:

Առավել մանրամասն՝ թերթի այսօրվա համարում

Այս թեմայով Մեղմ է ասված, որ քաղաքացիների նկատմամբ բիրտ ուժ է կիրառվել, իսկ ձերբակալություններն ակնհայտորեն անհիմն են․ Փաստաբանը՝ ԱԳՆ շենքի մոտ տեղի ունեցածի մասին Չկա 5 հոգի, որ մեկը մյուսին թշնամի չեն, չկա 5 հոգի, որ մեկը մյուսի ունեցվածքի նկատմամբ աչք չունենա. Սրբազան Երևանում մեկնարկել է հունահռոմեական ոճի ըմբշամարտի միջազգային հուշամրցաշարը Կարմիր բերետավորները ուժ կիրառեցին շարժման մասնակիցների նկատմամբ Արդեն կառուցված շենքը քանդել են՝ թերությունների պատճառով․ «Հրապարակ» Մեքենաների խլացուցիչների կատալիզատորների կերամիկական թափոնների արտահանման նկատմամբ ժամանակավոր արգելքը կերկարաձգվի Անգամ օտար նվաճողները նման բան չեն արել Եկեղեցու նկատմամբ, միայն հայ սրիկան արեց. Սամվել Նիկոյան (տեսանյութ) Բերետները պատրաստ են պահել արցունքաբեր գազերով բալոնները, որ կիրառեն Շարժման նկատմամբ (տեսանյութ) Երևանում մեկնարկեց Անիի հնագիտական պեղումներին, պատմությանը և կոթողներին նվիրված միջազգային գիտաժողով Վահե Ղազարյան, Կաթողիկոսի ու պատգամավորի նկատմամբ արվածը հանցագործություն է, ափսոս եք. Վարդանյան (տեսանյութ)