«Անհայտ կորածը տիկին Գոհարի որդին չէ,մեր պետականությունն է անհայտ կորել». Ավետ Բարսեղյան

Երգահան, հաղորդավար Ավետ Բարսեղյանն իր ինստագրամյան էջում նոր հրապարակում է արել`անդրադառնալով երեկ Եռաբլուրում կարմիր բերետավորների եւ զոհված ու անհայտ կորած զինվորների ծնողների միջեւ տեղի ունեցած միջադեպին:

««Ներողություն» Անհայտ կորածը տիկին Գոհարի որդին չէ,մեր պետականությունն է անհայտ կորել...

Ու տիկին Գոհարին չեն քաշքշելով ոտ ու ձեռ հանում Եռաբլուրի մուտքից՝ Արժանապատվությունը, Բարոյականությունը, Խիղճն են հանում ցանկից հոգու կարեւոր դրույթների...

Քաշելով հանում ենք ու ջնջում Մարդ կոչվելու վերջին շանսը...Սեւազգեստ տապալված Մայրը ասֆալտի վրայից ոտքի կկանգնի ու կքայլի, ողնաշարը փշրված, բայց Կա, իսկ ահա ոտքի կկանգնի՞ արդյոք ծնկի եկած խավարասեր ու «Փառասեր» հպարտ ստրկությունը, կշարունակի՞ քայլել այսուհետեւ Հավատն ու Հույսը, Սերն ու երազանքը, չգիտեմ, կասկածում եմ ,որ՝ Չէ...

Չարքից ու խավարից կախյալ ենք դեռ, բայց... մի օր Անկախություն ունենալու մեծագույն ցանկությամբ ու երազանքով, կանխավ Տոնդ շնորհավոր, Հայաստան:

Տիկին Գոհար, կներեք... », - գրել է երգահանը:

Ավելի վաղ Ավետ Բարսեղյանը գրություն էր թողել`խոսելով այս ծանր օրերին անտարբեր ապրող մարդկանց մասին. ««Մարդ» Սրճարանից հեռու պատերազմն է, իսկական կռիվ ու մահ։ Դու սուրճդ ես խմում, իսկ նա՝ իր սեփական արյունը… Սրճարանիցդ այն կողմ՝ իսկական զուգահեռ իրականության մեջ, Տղերքն են՝ քեզնից քիչ ապրած, քո կեսին չհասած, բայց քեզնից առավել հարուստ ու ողջ...»:

Այս թեմայով Հայաստանում ստեղծվել է «Դիվանագետների համահայկական խորհուրդ». Ավետ Ադոնց «Ես ոչ ոքի հետ չնկարվեցի»․ Ավետ Բարսեղյան «Ժողովուրդ». Ով է ՌԴ հեռուստաալիքներին պատժելու մասին հայտարարած փոխնախարար Ավետ Պողոսյանը Քո մի կյանքով ապրեցիր հազար մի կյանք. Ավետ Բարսեղյանը՝ Ռիտա Սարգսյանի մասին «Երջանիկ եմ, որ Պատիվ ունեմ ճանաչելու»․ Ավետ Բարսեղյանը շնորհավորել է Սերժ Սարգսյանի ծննդյան տարեդարձը Բաչկովը հարկադրված փոխեց մարտավարությունը, «կորցրածը» հետ բերելու ակնկալիքով․ Գերասիմ Բարսեղյան Իմ տանն էլ կա Ռիտա Սարգսյանին նվիրված անկյուն, այնտեղ էլ խունկ եմ վառում. Ավետ Բարսեղյան (տեսանյութ) «Ապրենք ու ապրեցնենք... միասին»․ Ավետ Բարսեղյանի շնորհավորանքը կնոջ տարեդարձին «Չբողոքես, տնիցդ մի քանի կանգառ այնկողմ կա մեծացող Եռաբլուր». Ավետ Բարսեղյան (տեսանյութ) Ավետ Բարսեղյանը՝ Աբովյան քաղաքի հիմնի հեղինակ (լուսանկար)