«Հրապարակ». ՔՊ-ին աջակցելու համար ուսուցչուհին հեռախոս է նվեր ստացե՞լ

«Հրապարակ» թերթը գրում է. «Սիսիանում ՔՊ-ի թեկնածուին իր ձայնով համայնքապետ դարձրած պատմության ուսուցչուհի Նախշուն Յազուլյանն Արման Բաբաջանյանի «Հանուն հանրապետության» կուսակցության ցուցակով առաջադրված ավագանիներից է։ Նա հոկտեմբերի 12-ին «դավաճանեց» կուսակցությանն ու ընտրեց ՔՊ թեկնածու Արմեն Հակոբջանյանին։ Այդ նիստից անմիջապես հետո կինը նոր հեռախոս է գնել իր համար։ Հետո դպրոցում ըմբոստ աշակերտներն ուսուցչուհուց հետաքրքրվել են՝ ՔՊ-ին աջակցության դիմա՞ց եք հեռախոսը նվեր ստացել։ Յազուլյանը մեզ հետ զրույցում չհերքեց, որ նիստի օրն է հեռախոս գնել, սակայն ասաց, թե հեռախոսն ապառիկով է վերցրել՝ բանկերից մեկով։

«Իմ հեռախոսն էդ օրերին փոքր երեխան գցել-կոտրել էր, ու դա համապատասխանել է այդ օրերին։ Եթե ուզում եք, ես իմ վարկային պայմանագիրը կուղարկեմ, որ ընդամենը 72 հազար դրամանոց հեռախոս եմ գնել»,- վրդովվեց նա։ Ինչ վերաբերում է քվեարկությանը․ «Ես մտածել եմ իմ համայնքի մասին, մանավանդ՝ ստեղծված այս իրավիճակին, երբ չգիտես՝ ինչ կարող է տեղի ունենալ։ Դուք պատկերացնո՞ւմ եք՝ էլի նոր ընտրություն, երբ կառավարությունը շատ ավելի այլ խնդիրներ ունի լուծելու՝ զենքի, զինվորների կարիքների եւ այլն։ Ես միանձնյա եմ որոշում կայացրել՝ ելնելով իմ սկզբունքներից եւ իրավիճակից։ Ես չցանկացա, որ գան ուժեր, որոնք ինձ համար ընդունելի չեն»։

Ամեն դեպքում, ուսուցչուհուն չի հաջողվել այդ հարցը լուծել՝ Սիսիանի ավագանու նիստը, որի օրակարգում համայնքապետի երդման արարողությունն էր, երեկ քվորումի բացակայության պատճառով չկայացավ։ Արմեն Հակոբջանյանին արդեն երկրորդ անգամ չհաջողվեց երդվել եւ ստանձնել համայնքի ղեկավարի լիազորությունները։ Իսկ դա նշանակում է, որ Սիսիանում նոր ընտրություններ կլինեն»:

Այս թեմայով Երևանում թալանել են «Զիգզագ» խանութը. հափշտակել են 5 մլն 500 հազար դրամի բջջային հեռախոս ՀՀ ՊՆ ռազմական ոստիկանությունը զորամասերում հայտնաբերել է սմարթֆոն տեսակի 4076 բջջային հեռախոս, արգելված այլ իրեր Վիետնամում ուսուցչուհին կորցրել է գիտակցությունը աշակերտների կողմից ծեծի ենթարկվելուց հետո Ժողովուրդ, փչացած հեռախոս ա դառնում էս հանձնարարականը, գնացեք, շների զբոսայգու տեղը որոշեք. Ավինյան Նախկին ընկերուհուց հեռախոս ու փող էր հափշտակել Երևանում հափշտակվել է 5.900 դոլար, ատրճանակ, 3 հեռախոս և անձնագիր. ՔԿ Ֆլագման հեռախոս՝ արդար գնով. ինչպիսին է ստացվել HONOR 90 սմարթֆոնը «Վարդաշեն» ՔԿՀ-ում սմբուկով ուտեստի տարայում, հայտնաբերվել է բջջային հեռախոս 20 բջջային հեռախոս և այլ արգելված իրեր՝ կալանավորված անձին բերված սառնարանում 1 գրամ քաշով կանաչավուն զանգված, 5 հեռախոս, բաժանորդային քարտ. ներնետված փաթեթ՝ «Սևան» ՔԿՀ-ում