Երևանում հափշտակվել է 5.900 դոլար, ատրճանակ, 3 հեռախոս և անձնագիր. ՔԿ

Իրականացվում են քննչական և վարութային գործողություններ՝ Երևան քաղաքի Անդրանիկի փողոցում խմբի կողմից բռնությամբ մեկ քաղաքացուց հափշտակություն կատարելու դեպքի հանգամանքները պարզելու ուղղությամբ: Այս մասին հայտնում են Քննչական կոմիտեից:

2023թ. սեպտեմբերի 22-ին Ոստիկանությունում քաղաքացուց ահազանգ է ստացվել այն մասին, որ սեպտեմբերի 21-ին՝ ժամը 23:30-ի սահմաններում, անհայտ անձինք՝ թվով 3 հոգի, իրեն անսպասելի բռնության են ենթարկել՝ անկանոն հարվածներ հասցնելով դեմքին ու մարմնի տարբեր հատվածներին: Հետո նրանից մեկը, օգտվելով իր անօգնական, ընկած վիճակից պոկելով հափշտակել է ուսին գցված պայուսակը, ինչից հետո խումբը դիմել է փախուստի:

Նախնական տեղեկությամբ՝ պայուսակի մեջ եղել է 5900 ԱՄՆ դոլարին համարժեք գումար, 2002 թվականին ՀՀ վարչապետի կողմից պարգևատրված «Մակարով» տեսակի ատրճանակ, 3 հատ՝ տարբեր մոդելների բջջային հեռախոս և Ա.Հ-ի անձնագիրը:

Հաղորդման առթիվ ՀՀ քննչական կոմիտեի ԵՔՔՎ Մալաթիա-Սեբաստիա վարչական շրջանի քննչական բաժնում ՀՀ քրեական օրենսգրքի 252-րդ հոդվածի 2-րդ մասի 3-րդ , 338-րդ հոդվածի 2-րդ մասի 1-ին և 456-րդ հոդվածի 2-րդ մասի 1-ին կետերով նախաձեռնվել է քրեական վարույթ, որի շրջանակներում Ա.Հ-ն ճանաչվել է տուժող:

Վերջինս վարույթն իրականացնող մարմին հայտնել է, որ առերևույթ հանցագործություն կատարած անձանց դեմքերը չի տեսել, քանի որ վերջիններս եղել են կապիշինով գլխարկներով:

Դեպքի վայրի զննությամբ հայտնաբերվել է Ա.Հ-ի պայուսակի գոտին, քրեական վարույթի համար նշանակություն ունեցող այլ իրեր և առարկաներ: Նշանակվել է դատաբժշկական փորձաքննություն:

Նախաքննությունը շարունակվում է: Ոստիկանության Մալաթիայի բաժնի աշխատակիցներին տրվել են համապատասխան հանձնարարականեր՝ դեպքի բոլոր հանգամանքները բացահայտելու, առերևույթ հանցագործություն կատարված անձանց ինքնությունը պարզելու ուղղությամբ:

Այս թեմայով Երևանում ապօրինի շինությունների կառուցման ու հողազավթումների 85 դեպք է արձանագրվել Երևանում արցախցի 54 երեխա է ծնվել Ստորագրվել է 2027թ․ Երևանում կայանալիք սպորտային մարմնամարզության Եվրոպայի առաջնության պայմանագիրը 1 մլն 320 000 դրամ, 2450 դոլար և 120 հազար ռուբլի․ թալանել են Իջևանի բանկերից մեկի նախկին ղեկավարին Երևանում թմրամիջոցների գաղտնի լաբորատորիայի հայտնաբերման վարույթով 4 անձի մեղադրանք է ներկայացվել Երևանում Գիտությունների ազգային ակադեմիայում հայտնաբերվել է տղամարդու դի Օդի ջերմաստիճանը կբարձրանա 10-13 աստիճանով, Արարատյան դաշտում և Երևանում՝ 5-6 աստիճանով Մեքենան Երևանում գողացել և թողել էր Գյումրիի Երևանյան խճուղում Պարեկները Երևանում հատուկ տարածք են տեղափոխել 106 մեքենա. 169 վարորդ եղել է ոչ սթափ, 986-ը՝ ամրակապված չի եղել Երևանում և որոշ մարզերում կլինեն հոսանքազրկումներ