«1992-94 թթ․ Ադրբեջանը պառակտված էր, մենք օգտվեցինք դրանից․ այս պատերազմին էլ մենք էինք պառակտված»

«Իրավունք» թերթը գրում է․ «Ստեփանակերտի Վերածննդի հրապարակում կայացած հանրահավաքին մասնակցում էին Արցախի երկրորդ, երրորդ եւ գործող նախագահները: Հենց հանրահավաքում էլ «Իրավունքը» բացառիկ հարցազրույց ունեցավ Արցախի Հանրապետության երկրորդ նախագահ Արկադի Ղուկասյանի հետ:

— Պարոն Ղուկասյան, բոլոր հնարավոր առիթների դեպքում Նիկոլ Փաշինյանը պնդում է, որ արցախյան տարածքները նախկիններն են հանձնել, ոչ թե ինքը: Դուք եւս նախկինների շարքում եք, ի՞նչ կասեք այս մասին:

— Սա աբսուրդային գաղափար է: Նույն հաջողությամբ կարելի է ասել, որ 1990-ական թվականների հաղթանակն էլ նախկիններն էին հաղթել, այսինքն՝ սովետական, կոմունիստական ուժերը: Ի՞նչ կապ ունեն նախկինները: Գտնում եմ, որ ամեն մարդ, ով ղեկավարում է պետություն, ինքը պետք է պատասխան տա իր քայլերի համար: Ես հեռու եմ այն մտքից, թե նախկինների գործունեության մեջ չեն եղել սխալներ: Եղել են ե՛ւ հաջողություններ, ե՛ւ անհաջողություններ, բայց բարդել ամեն ինչ նախկինների վրա, ծիծաղելի է:

— 44-օրյա պատերազմից երկու տարի է անցել: Ձեր գնահատմամբ՝ ո՞րն էր հիմնական բացթողումը, որի հետեւանքով ունեցանք այն, ինչ ունենք այսօր:

— Մեր հաջողությունները 1992-94 թվականներին, բացի մեր տղաների հերոսությունից, պայմանավորված էին նաեւ նրանով, որ Ադրբեջանը քայքայված վիճակում էր: Եթե հիշում եք, այն ժամանակվա Ադրբեջանում ամեն մի նոր ղեկավար մեղադրում էր նախկիններին դավաճանության մեջ՝ Մութալիբովը, էլչիբեյը, Ալիեւը... Եվ մենք օգտվեցինք դրանից, որ Ադրբեջանը պառակտված էր:

Այս պատերազմի ժամանակ էլ մենք էինք պառակտված, որովհետեւ այսօրվա Հայաստանի իշխանությունները հարձակվեցին բանակի, եկեղեցու վրա, բաժանեցին հանրությանը սեւերի ու սպիտակների, մեղադրեցին բոլորին, իսկ իրենք ներկայացան՝ որպես հրեշտակներ, որոնք պետք է փրկեին երկիրը: Իսկ դրա արդյունքը մենք տեսանք: Պառակտված երկիրը չէր կարող դիմադրել այդպիսի դաժան պատերազմի:

Այս թեմայով Հույս ունեմ, որ ՀՀ-ում իշխանություն կփոխվի. Արկադի Ղուկասյան «Հայաստան» հիմնադրամը 52 մլն դրամը պետք է ծախսի Արցախի կարիքների վրա. Արկադի Ղուկասյան Հանդիպել են Հայաստանի և Արցախի նախկին նախագահները Արցախի և Հայաստանի պաշտոնաթող նախագահները հանդիպել են` քննարկելու Արցախում սանձազերծված պատերազմն «Հրապարակ». Արցախի նախկին 2 նախագահները Փաշինյանից հետո հանդիպել են Սերժ Սարգսյանի, Քոչարյանի եւ Տեր-Պետրոսյանի հետ Վարչապետ Փաշինյանը հանդիպում է ունեցել Արկադի Ղուկասյանի եւ Բակո Սահակյանի հետ․ պաշտոնական Արցախի նախագահներ Արկադի Ղուկասյանը և Բակո Սահակյանը դուրս եկան Նիկոլ Փաշինյանի հետ հանդիպումից. 168․am «Հրապարակ». Արկադի Ղուկասյանը Սամվել Բաբայանի վերաբերյալ տեսանյութ ունի