Մենենդեսն իր հայտարարությունը պատահական չի արել․ Ղազինյան

ԱԺ նախկին պատգամավոր Արթուր Ղազինյանը ֆեյսբուքյան իր էջում գրել է․

«Ադրբեջանը հայտնվել է աննախադեպ միջազգային ճնշման տակ, ինչը լրջագույն սպառնալիք է ինչպես Ալիևի ռեժիմի, այնպես էլ «Ադրբեջան» անունը կրող նախագծի համար:

Ֆրանսիայի Սենատի բանաձևը, ԱՄՆ Սենատի արտաքին հարաբերությունների հանձնաժողովի նախագահի հայտարարությունը, Իրանի խորհրդարանի վերջին շրջանի հայտարարությունները, ռուս զինվորականների առկայությունը Արցախում, Իրանի վերջին մասշտաբային զորավարժությունները Արաքսի ափի երկայնքով վկայում են այն մասին, որ Ադրբեջանը, իր սանձարձակ վարքով, հատել է թույլատրելի բոլոր սահմանները:

Էրդողանի ճնշման տակ Ալիևը ստիպված է անել այնպիսի գործողություններ, որոնց համար արտոնված չէ, չունի այնդքան միջազգային կշիռ և վերածվում է տարածաշրջանային ավտանգության սպառնալիքի, ինչը կարող է վերածվել միջազգային անվտանգության սպառնալիքի:

Հատկապես կարևոր էր Մենենդեսի երեկ արված հայտարարությունը, քանի որ ԱՄՆ Սենատը որոշիչ դերակատարություն ունի ԱՄՆ արտաքին քաղաքականության համար, իսկ Սենատի արտաքին հարաբերությունների հանձնաժողովի նախագահի դիրքը առաջնային նշանակություն ունի այս գործընթացում:

Հեռու եմ այն մտքից, որ Մենենդեսն իր հայտարարությունն արել է պատահական և առավել հակված եմ կարծել, որ այն ելակետային կդառնա ԱՄՆ գործադիր իշխանության կողմից մեր տարածաշրջանում վարվելիք արտաքին քաղաքականության համար:

ԱՄՆ-Ռուսաստան ընթացող խորհրդակցությունների օրակարգը սահմանափակված չէ միայն ուկրաինական հակամարտությամբ, իսկ արտաքին հետախուզությունների ղեկավարների հանդիպումը Թուրքիայում անցկացնելու հանգամանքն ու ՌԴ արտաքին հետախուզական ծառայության ղեկավարի այցը Իրան փաստում է, որ այս օրակարգում կարևոր տեղ է զբաղեցնում նաև Մերձավոր արևելքն ու Հարավային կովկասը: 

Իսկ մեր տարածաշրջանում աշխարհաքաղաքական գործընթացների և համաշխարհային ուժային կենտրոնների մրցակցության համար ելակետային է մյուս տարի Թուրքիայում սպասվող ընտրությունները, որոնց արդյունքներից կախված կլինի ամբողջ Մերձավոր Արևելքի ու Հարավային Կովկասի պետությունների, մասնավորապես Ադրբեջանի ու Հայաստանի ճակատագիրը:

Գործընթացների այս փուլում կարող եմ փաստել, որ մեր տարածաշրջանում համաշխարհային ուժային կենտրոնների համար Հայաստանն ու հայկական գործոնը կունենան մեծ կարևորություն ու նշանակություն:

Եթե, իհարկե, Հայաստանի իշխանությունները  հիմարություններ չանեն, ինչից երաշխավորված չենք»։

Այս թեմայով Ստալինյան բռնաճնշումնե՞ր, թե՞ ժողովրդավարության բաստիոն․ Ռումանիոյ հայոց թեմի հայտարարությունը «Հայկական պետություն» նախաձեռնության հայտարարությունը Բագրատունյաց փողոցում մեքենաներ են բախվել, «Ֆորդ»-ն այնուհետ արմատախիլ է արել ծառը Ֆրանսիայի հանրապետականների առաջնորդը կոչ է արել գործարք կնքել Լը Պենի կուսակցության հետ Խաղաղությունը կբացի ամբողջ տարածաշրջանի ներուժը․ Հայաստանի ու ԱՄՆ-ի կառավարության հայտարարությունը Բլինքենը Մերձավոր Արևելքի երկրներին կոչ է արել ճնշում գործադրել ՀԱՄԱՍ-ի վրա Գազայում զինադադարի հասնելու համար BRICS-ի արտգործնախարարները կոչ են արել ազատ արձակել Գազայի հատվածում պահվող բոլոր պատանդներին Գողությունը հաղորդում տված տանտերն էր արել Հայաստանի և Ադրբեջանի միջև Խաղաղության համաձայնագիրը բավականաչափ հասունացած է ստորագրման համար․ ՀՀ ԱԳՆ Հայկ Դեմոյանը նկատողություն է արել Ժաննա Անդրեասյանին