Ուր են և ինչու են լռում Հայաստանի խոշոր գործարարներն ու պաշտոնյաները. մաս 12. Արամ Հարությունյան

ԼՈւՐԵՐ.com-ը շարունակում է անդրադառնալ այն պաշտոնյաներին և գործարարներին, ովքեր երկար տարի զբաղեցրել են պետական կարևորագույն պաշտոններ, հարստություն և բիզնես են դիզել՝ Հայաստանի և Արցախի անունը հոլովելով, իսկ այսօր, երբ Արցախում տեղի է ունենում անթաքույց ցեղասպանություն, լռում են և նախընտրում են մնալ ստվերում:

Այսօր կանդրադառնանք Ջրային կոմիտեի նախկին նախագահ, բնապահպանության նախկին նախարար Արամ Հարությունյանին, ով առավել հայտնի է Բուլկի Արամ մականունով: Հարությունյանը երկար տարիներ համարվել է իշխող քաղաքական էլիտայի ամենակարկառուն դեմքերից մեկը, հաջողակ բիզնեսների սեփականատեր էր, այդ ընթացքում հսկայական մասշտաբների գույք է ձեռք բերել, ըստ դատախազության՝ դրանց մի մասը ապօրինի ծագում ունի: Բացի այդ, Արամ Հարությունյանի կողմից առանձնապես խոշոր չափերով՝ 14 մլն ԱՄՆ դոլար կաշառք ստանալու դեպքի առթիվ քննված հեռակա վարույթով նախաքննությունն ավարտվել է: Վարույթի նյութերը մեղադրական եզրակացությամբ 23.06.2023 թվականին հանձնվել են հսկող դատախազին՝ այն դատարան ուղարկելու միջնորդությամբ: 

Կոմսոմոլից նախարար դարձած Հարությունյանը ներկայացնում էր այն քաղաքական ուժը, որը մշտապես հայտարարում էր, թե Արցախը չի կարող լինել Ադրբեջանի կազմում և Արցախի ինքնորոշումը այլընտրանք չունի: Նա մեկն էր այն բարձրաստիճան պաշտոնյաներից, որ լայն ժպիտով մեկնում էին Արցախ, հանդիպում իրենց արցախցի գործընկերների հետ, մեդալներ ստանում՝ ապա մոռանում, թե այդ մեդալներն ինչ նպատակով են ստացել և ինչպես պետք է այդ մեդալներն արդարացնեն: Այսօր հետախուզման մեջ գտնվող Արամ Հարությունյանը ծպտուն անգամ չի հանել Արցախում տեղի ունեցող ողբերգական գործընթացների վերաբերյալ, այն միլիարդներից, որոնք աշխատել է պետական բարձր պաշտոններ զբաղեցնելու ժամանակ՝ գեթ մեկ լումա չի հատկացրել արցախցիներին օգնության ձեռք մեկնելու համար: Հարությունյանի պաշտոնական հայտարարագրի համաձայն՝ նրա դրամական միջոցները կազմել են 923 հազար 324 դոլար եւ 2 հազար 244 եվրո: Նա հայտարարագրել է երեք ձեռնարկություններում մոտ 13 մլն դրամ արժողությամբ բաժնետոմսեր: 

Իսկ գուցե պատահական չէ, որ 1988-1992 թվականներին, երբ Հարությունյանի հասակակիցները Ազատության հրապարակում էին կամ հերոսանում էին Արցախում, նա Նաիրի ակրոֆերմայի ԼԿԵՄ քարտուղարն էր: Քաղաքական կայուն սկզբունքներն ու դիրքորոշումներն այս մարդու համար չեն:

Շարունակելի...

Այս թեմայով ՍԴՀԿ կենտրոնական վարչության ատենապետ Համբիկ Սարաֆյանի գլխավորած պատվիրակությունը այցելել է Արամ Ա կաթողիկոսին Արամ Ա Կաթողիկոսը ՍԴՀԿ ատենապետի հետ քննարկել է Հայաստանի ներսում տեղի ունեցող վերջին զարգացումները Սրբազանին հաջողվեց ապահովել կոնսոլիդացիա. այն պետք է վերածել քաղաքական կապիտալի. Խոսրով Հարությունյան (տեսանյութ) Բաց կառավարման բարեփոխումների առաջընթացը կարևոր նշանակություն ունի մեր տարածաշրջանի համար. Արայիկ Հարությունյան Գործադիրը «Արամ Խաչատրյան» համերգասրահում նորոգման աշխատանքների համար գումար է հատկացրել Արամ Խաչատրյանի տուն-թանգարանն ամփոփում է հոբելյանական տարին ԿԳՄՍ փոխնախարարը հոգևորականի նկատմամբ շատ վատ է պահել իրեն, դատապարտում եմ այս դեպքը․ Արամ Գյուրջյան (տեսանյութ) Իմ քաղաքական փորձառությամբ և այն ընթացքով, որ տեսնում եմ` Բագրատ սրբազանի շարժումը մարում է. Արայիկ Հարությունյան Արամ Վարդևանյանը հաղորդում է ներկայացրել դատախազություն Արամ Զ. Սարգսյանն իրեն վատ է պահել, ներողություն թող խնդրի. Սրբազան (տեսանյութ)