Ուր են և ինչու են լռում Հայաստանի խոշոր գործարարներն ու պաշտոնյաները. Նարեկ Ղուշչյան

ԼՈւՐԵՐ.com-ը շարունակում է անդրադառնալ այն պաշտոնյաներին և գործարարներին, ովքեր երկար տարի զբաղեցրել են պետական կարևորագույն պաշտոններ, հարստություն և բիզնես են դիզել՝ Հայաստանի և Արցախի անունը հոլովելով, իսկ այսօր, երբ Արցախում տեղի է ունենում անթաքույց ցեղասպանություն, լռում են և նախընտրում են մնալ ստվերում։

Այսօր կանդրադառնանք Տավուշի մարզպետի տեղակալ Նարեկ Ղուշչյանին, ով նույնպես նորեկ չէ պետական կառավարման համակարգում: Նրա կենսագրությունից պարզ է դառնում, որ նախկին իշխանությունների ղեկավարման տարիներին Ղուշչյանը հասցրել է աշխատել մարզպետարանում, իսկ ահա հեղափոխությունից հետո անցել է Նիկոլ Փաշինյանի և վերջինիս թիմակիցների կողմը և փաստացի հասել բավական բարձր՝ փոխմարզպետի պաշտոնի:

Ղուշչյանը թերևս ամենա քիչ աչքի ընկնող փոխմարզպետներից է, նա բավական հազվադեպ է հանդիպումներ ունենում և հիմնականում գտնվում է մարզպետ Ղալումյանի ստվերում: Եվ դա պարզ է․ Ղալումյանը, դժվար թե, հանդուրժեր իր տեղակալի չափից ավել ընդգծված ակտիվությունը: Մյուս կողմից դա չի խանգարում Ղուշչյանին բարելավել իր սոցիալական դրությունը: Պաշտոնյան նաև բավական ուշագրավ հայտարարագիր է ներկայացրել։ Պարզվում է՝ նա 2016 թվականին Իջևանում որպես նվիրատվություն բնակարան է ստացել: Իսկ նրա եկամուտները կազմել են 33,000.00 ռուսական ռուբլի և 9,972,349.00 դրամ

Ամիսներ առաջ փոխմարզպետ Ղուշչյանը հրաժարվեց լրագրողներին ասել, թե որոնք են հայկական վերահսկողության տակ գտնվող «ադրբեջանական տարածքները»։ «Նախ ես հեռախոսով նման բաների չեմ պատասխանում, երկրորդը՝ ճիշտ չեմ գտնում դրա մասին խոսելը»- ասել էր պաշտոնյան: «Ինչպես վարչապետը հայտարարել է՝ երբ որ դրա ժամանակը կգա, արդեն պարզ կլինի՝ ինչպե՞ս է այդ հարցը լուծվում։ Եթե մեզ եք հարցնում, մենք բնականաբար գիտենք մեր դիրքորոշումը», — հավելել էր Ղուշչյանը։

Սակայն, իրականությունը կայանում է նրանում, որ փոխմարզպետի դիրքորոշումը բնավ էլ հայտնի չէ, իսկ հայտնի չէ, որովհետև նա լռում է և չի ցանկանում խոսել դիցուք՝ իր մարզից այսպես կոչված` անկլավները և մի քանի գյուղ թշնամուն հանձնելու Փաշինյանի պատրաստակամության մասին: Ինչպես նաև չի ցանկանում գնահատական տալ այն ողբերգությանը, որը իր քաղաքական թիմի ապաշնորհ քաղաքականության արդյունքում տեղի ունեցավ Արցախում: Իսկ որտեղի՞ց լրագրողները և հանրությունը պետք է տեղականան պաշտոնյաների դիրքորոշմանը, եթե նրանք նախընտրում են լռել և բիզնեսով զբաղվել․ Նարեկ Ղուշյանը հայտարարագրել է ԱՁ «Նարեկ Ղուշչյան» ընկերության 100 տոկոս բաժնեմաս:  Ինչպես ասում են՝ բիզնես է, ոչ մի անձնական բան..

Շարունակելի...

Այս թեմայով Հայաստանում սահմանադրական կարգը տապալված է, այն տապալողի անունն էլ գիտենք․ քաղաքագետ Նարեկ Սամսոնյան Դատարանը Նարեկ Թևոսյանի կալանքի ժամկետը երկարացրեց 2 ամսով Նարեկ Սամսոնյանը կշարունակի մնալ վարչական հսկողության տակ Նարեկ Նալբանդյանին թույլատրել են «Գոլդեն Փելիսը» գրավ դնել բանկում․ մանրամասներ գործարքից․ «Հետք» Ըմբշամարտի Մ17 ԵԱ. Սեյրան Կիրակոսյանը՝ արծաթե, Նարեկ Գրիգորյանը՝ բրոնզե մեդալակիր Հումորը հաղթահարելու մեխանիզմներից մեկն է, որը եթե չանես կգժվես. Նարեկ Մարգարյան Նարեկ Մկրտչյանը Ժնևում հանդիպում է ունեցել Աշխատանքի միջազգային կազմակերպության գլխավոր տնօրենի հետ Նարեկ Մկրտչյանը կմասնակցի Ժնևում կայանալիք Աշխատանքի միջազգային համաժողովի նստաշրջանին Ո՞վ է «Կրեմլի ագենտ». Նարեկ Մարգարյանը Շարժման մասնակիցների հետ խոսում է բուլինգի մասին (տեսանյութ) ArmComedy-ի Նարեկ Մարգարյանը՝ ֆեյքերի ու նրանց հայհոյախոսության դեմ պայքարելու եղանակների մասին (տեսանյութ)