Ուր են և ինչու են լռում Հայաստանի խոշոր գործարարներն ու պաշտոնյաները. Վլադիմիր Խաչատրյան

ԼՈւՐԵՐ.com-ը շարունակում է անդրադառնալ այն պաշտոնյաներին և գործարարներին, ովքեր երկար տարի զբաղեցրել են պետական և ռազմական պաշտոններ, Արցախի և Հայաստանի անունը հոլովելով բիզնես են դիզել, իսկ այսօր, երբ Արցախը գրեթե կորսված է, իսկ Հայաստանը գտնվում է լրջագույն վտանգների առջև, նրանք նախընտրում են լռել, ասես ոչինչ էլ տեղի չի ունեցել:

Այսօր կանդրադառնանք Արարատի մարզպետի տեղակալ Վլադիմիր Խաչատրյանին։ Վերջինս պետական կառավարման ոլորտում և քաղաքականության մեջ նորեկ չէ, 2013 - 2021 թվականներին զբաղեցրել է Սայաթ-Նովայի համայնքապետարան, համայնքի ավագանու անդամի պաշտոնը: 2022 թ. հունվարից նշանակվել է ՀՀ Արարատի մարզպետի տեղակալ։  Վերջինս տարբեր դրվագներում փորձել է ի ցույց դնել, որ անտարբեր չէ հատկապես 44-օրյա պատերազմից հետո Արարատի մարզում բնակություն հաստատած արցախցիների հանդեպ: Դիցուք՝ երբ ծնվել էր 44-օրյա պատերազմի հետևանքով անհայտ կորած համարվող Արարատ բնակավայրից 22-ամյա Նարեկ Մանուկյանի եղբայրը, ապա Խաչատրյանը անձամբ էր այցելել հիվանդանոց, շնորհավորել էր փոքրիկի լույս աշխարհ գալու կապակցությամբ՝ մաղթելով նրան առողջ և խաղաղ մանկություն։ «Գովելի է, որ վերջին տարիների փորձություններից հետո կարողացել եք մեր հայրենիքին ևս մեկ արու զավակ պարգևել։ Այո, մենք պետք է հաղթենք նաև շատ զավակներ ունենալով, նրանց հայրենասեր մեծացնելով։ Աստված պահապան ձեզ»,- ասել էր Վլադիմիր Խաչատրյանը։

Այսօր, սակայն, երբ Արցախը փաստացի կորսված է, իսկ իր ղեկավարած մարզի մի շարք բնակավայրեր գտնվում են հանձնվելու վտանգի առջև, փոխմարզպետը լռում է: Արարատի նախկին մարզպետ Ռազմիկ Թևոնյանը առնվազն հայտարարել էր, որ Տիգրանաշենը չի հանձնվելու, իսկ ահա գործող փոխմարզպետն անգամ խոսքերով չի կարող նման վստահեցում տալ իր ղեկավարության տակ ապրող տասնյակ հազարավոր արարատցիներին և չի էլ շտապում հայտնել իր՝ որպես մարզի ղեկավարներից մեկի կարծիքն ու գնահատականն իր մարզին սպասվող վտանգների մասով:

 Տիգրանաշենի հանձնման դեպքում Երեւանը Վայոց ձորին, Սյունիքին, այնտեղից էլ Իրանի Իսլամական Հանրապետությանը կապող միջպետական մայրուղու մի հատվածի վերահսկողությունը կանցնի Ադրբեջանին՝ դրանից բխող բոլոր բացասական հետեւանքներով: Հետաքրքիր է՝ իսկ այս իրողությունը փոխմարզպետ Վլադիմիր Խաչատրյանը գիտակցո՞ւմ է, թե ավագանու անդամից փոխմարզպետ դարձած Խաչատրյանին այս կարևորագույն խնդիրներն այլևս չեն մտահոգում...

Շարունակելի...

Այս թեմայով Ես վախենում եմ կորցնել նրան. աշխարհահռչակ Վլադիմիր Սպիվակովը՝ հայուհի կնոջ՝ Սաթիի հետ (լուսանկարներ) ՌԴ նախագահ Վլադիմիր Պուտինը ժամանել է Աստանա (տեսանյութ) Բանակցում են Ադրբեջանին միջանցք տալու մասին․ Տիրայր Խաչատրյան Մենք էս շարժումից շատ մեծ սպասելիքներ ունենք ու ձեր կռվի ո՛չ հավեսն ունենք, ո՛չ ժամանակը. Ռուզաննա Խաչատրյան Վլադիմիր Պուտինը ժամանեց Հյուսիսային Կորեա․ մանրամասներ Ձեր ելույթներն էին մեզ ուժ տալիս ռազմաճակատում․ գնդապետ Անդրանիկ Գասպարյանը՝ Վլադիմիր Պուտինին Վլադիմիր Պուտինը Իրանի նախագահի պաշտոնակատարի հետ քննարկում է ունեցել․ մանրամասներ Քաղաքացիական պատերազմ կլինի, իրենց ուզածը դա է. Տիրան Խաչատրյան (տեսանյութ) Վաղը բեկումնային օր է լինելու. այս իշխանությունների քաղաքականությունն ընդհատելը յուրաքանչյուր քաղաքացու գործն է. Վլադիմիր Մարտիրոսյան (տեսանյութ) Դուք լա’վ գիտեք, թե ով է դա՝ հայ ժողովրդի թշնամին, նա վայրահաչում է Սրբազանի դեմ ու պաշտպանում ՔՊ-ին․ Արթուր Խաչատրյան (տեսանյութ)