Ուր են և ինչու են լռում Հայաստանի խոշոր գործարարներն ու պաշտոնյաները. Աննա Մարտիկյան

ԼՈւՐԵՐ.com-ը շարունակում է անդրադառնալ այն պաշտոնյաներին և գործարարներին, ովքեր երկար տարի զբաղեցրել են պետական և ռազմական պաշտոններ, Արցախի և Հայաստանի անունը հոլովելով բիզնես են դիզել, իսկ այսօր, երբ Արցախը գրեթե կորսված է, իսկ Հայաստանը գտնվում է լրջագույն վտանգների առջև, նրանք նախընտրում են լռել, ասես ոչինչ էլ տեղի չի ունեցել:

Այսօր կանդրադառնանք Շիրակի մարզպետի տեղակալ նշանակված Աննա Մարտիկյանին: Վերջինս ունի բավական ուշագրավ կենսագրական տվյալներ․ 2007-2009թթ․- Շիրակ հանրային հեռուստառադիոընկերություն՝ պրոդյուսեր 2009-2014թթ․-Գյումրու պետական մանկավարժական ինստիտուտ՝ ստուդիայի պրոդյուսեր և ղեկավար, 2014-2017թթ․- Գյումրու պետական մանկավարժական ինստիտուտ՝ լրատվության և հասարակայնության հետ կապերի բաժնի ղեկավար, 2017- 2018թթ․- Շիրակի պետական համալսարան՝ առաջատար մասնագետ, 2010 –2020թթ․- Հայաստանի հանրային հեռուստատեսություն՝ Շիրակի մարզի թղթակից, 2011 – 2023թթ․- Հայաստանի հանրային ռադիո՝ Շիրակի մարզի թղթակից, 2018- 2023թթ․- «Light Production» ընկերության հիմնադիր, 2018-2023թթ․- Շիրակի պետական համալսարան՝ հասարակայնության հետ կապերի պատասխանատու: Ըստ էության, Մարտիկյանը բավական հայտնի լրագրող էր Գյումրիում, ով նաև հայտնի էր գործող իշխանությունների հասցեին հնչեցված քննադատություններով, սակայն փոխմարզպետի պաշտոնում նշանակվելուց հետո Մարտիկյանը այլևս չի նկատում այն բազմաթիվ խնդիրները, որոնց մասին ժամանակին բարձրաձայնում էր:

Նշանակման մասին Մարտիկյանը գրառում էր արել նաև ֆեյսբուքյան իր էջում՝ շնորհակալություն հայտնելով «մեծարգո» վարչապետին և «հարգարժան» մարզպետին։ Գրառման մեկնաբանություններում բազմաթիվ շնորավորանքներ են հղվել Մարտիկյանին։ Սակայն նորանշանակ փոխմարզպետի գրառումը միանշանակ չի ընդունվել ֆեյսբուքահայության կողմից։ Գրառման մեկնաբանություններում օգտատերերի մի մասին նախ անակնկալի է բերել «մեծարգո վարչապետ» շեշտադրումը, իսկ շատերն էլ զարմացել են՝ տեղեկանալով, որ Աննա Մարտիկյանը որոշել է ընդունել առաջարկն ու սկսել աշխատել իշխանաանների հետ։ Ինքը՝ Մարտիկյանը, հայտարարում է, որ երբե՛ք պետական գումար չի գրպանել, ջանքը ու գրիչը  ծառայեցրել է բացառապես պետությանը: Հերթական առաջարկներից այս մեկն էլ ընդունել է, որովհետև այն հնարավորություն է ծառայելու իր հարազատ Շիրակին: Ըստ էության, սա ոչ այլ ինչ էր, քան մեղայական գրություն՝ նախկինում հնչեցրած քննադատությունների համար: Եվ սա էլ հետաքրքիր ձեռագիր է: Մասնավորապես, բոլշեւիկների կուսակցական ժողովում «սայթաքած» կոմունիստը պետք է ապաշխարեր ընկերների առջեւ, «գաղափարապես զինաթափվեր», եւ ընկերները նրան գուցեեւ ներեին:

Սակայն, ամենատարակուսելին անգամ սա չէ: Մամուլի տեղեկությունների համաձայն՝ նորանշանակ փոխմարզպետը 44-օրյա պատերազմում կորցրել է հարազատների. զոհվել է հորեղբոր տղան, մյուս հորեղբոր թոռն էլ անհետ կորած է մինչ այժմ: Այսքանից հետո իշխանություններին նախկինում սուր քննադատության ենթարկող լրագրողը ոչ միայն ընդունում է նրանց հետ աշխատելու առաջարկը, դեռ մի բան էլ որևէ գնահատական չի տալիս ոչ Արցախի փաստացի կորստին, ոչ էլ Հայաստանի առջև ծառացած վտանգներին...

Շարունակելի...

Այս թեմայով Մրոյի ազգագրական երգերը` Սուրբ Աննա եղեկեցու բակում (տեսանյութ) ՈՒՂԻՂ. Սրբազանն ու աջակիցները Սուրբ Աննա եկեղեցու բակում նշում են ՀՀ Սահմանադրության օրը Հանդիպում ենք մեկ ժամ անց՝ 19։30-ին, Սուրբ Աննա եկեղեցու բակում․ Բագրատ Սրբազան Ի՞նչ զրույց է ունեցել Աննա Հակոբյանն ամուսնու հետ․ «Իրավունք» Սիրելի հայրենակիցներ, վաղը՝ հուլիսի 1-ին, ժամը 20։00-ին կրկին հանդիպում ենք Սուրբ Աննա եկեղեցու բակում․ Բագրատ Սրբազան Աննա Հակոբյանն իրենց բակում հյուրընկալել է հեծանվորդներին Կյանքից հեռացել է Աննա Արսենյանը Պայքարի ելած մարդիկ անուն-ազգանուններն են գրում Սուրբ Աննա եկեղեցու բակում տեղակայված մատյանում Հանգի’ստ եղեք, Նիկոլը երբեք ՀԱՊԿ-ից դուրս չի գալու, նա իր տերերին հաճո հայտարարություններ միայն կանի. Աննա Մկրտչյան (տեսանյութ) ՈՒՂԻՂ. Սրբազանը և աջակիցները Սուրբ Աննա եկեղեցու բակում են