Ուր են և ինչու են լռում Հայաստանի խոշոր գործարարներն ու պաշտոնյաները. Նարեկ Հարությունյան

ԼՈւՐԵՐ.com-ը շարունակում է անդրադառնալ այն պաշտոնյաներին և գործարարներին, ովքեր երկար տարի զբաղեցրել են պետական և ռազմական պաշտոններ, Արցախի և Հայաստանի անունը հոլովելով բիզնես են դիզել, իսկ այսօր, երբ Արցախը գրեթե կորսված է, իսկ Հայաստանը գտնվում է լրջագույն վտանգների առջև, նրանք նախընտրում են լռել, ասես ոչինչ էլ տեղի չի ունեցել:

Այսօր կանդրադառնանք Ծաղկաձորի համայնքապետ Նարեկ Հարությունյանին: Ահա նրա կենսագրության որոշ ուշագրավ դրվագներ․

20.12.2021թ. – Ծաղկաձոր խոշորացված համայնքի ղեկավար։

04.02.2020թ. – Մեղրաձոր համայնքի ղեկավարի պաշտոնակատար։

2017թ. դեկտեմբեր – 2020 թ փետրվարի 4. Մեղրաձոր համայնքի ղեկավարի տեղակալ։

2016թ. հոկտեմբեր – 2017թ. հունիս. «Անի Աճեմյան ռեսորթ» հանգստյան տուն՝ ադմինիստրատոր։

2017թ. ապրիլ – 2017թ. օգոստոս. «Մեղրաձոր գոլդ» ՍՊԸ՝ լեռնային վարպետ:

2015թ. փետրվար – 2016թ. սեպտեմբեր. ՀՀ ոստիկանության Հրազդանի բաժնի ՀՈԲ տեսուչ:

2013թ. հունվար – 2014թ. ապրիլ. «Մեղրաձոր գոլդ» ՍՊԸ՝ Բաց հանքի պետի տեղակալ:

2012թ. սեպտեմբեր – 2013թ. հունվար. «Մեղրաձոր գոլդ» ՍՊԸ՝ Բաց հանքի տեղամասի պետ:

2012թ. մարտ – 2012թ. սեպտեմբեր. «Մեղրաձոր գոլդ» ՍՊԸ՝ Ինժեներ հաշվառող։

2009թ. սեպտեմբեր – 2011թ. հուլիս. Մեղրաձորի համայնքապետարան՝ երկրորդ կարգի մասնագետ:

2008 թվականի դեկտեմբեր. USAID փորձի փոխանակում Կիևում։

Հարությունյանի անձնական ֆեյսբուքյան էջում ևս ոչ մի խոսք չկա վերջինիս բուռն գործունեության մասին․ երկու տրաֆարետային շնորհավորական տեքստեր և վերջ։ Համայնքապետարանի պաշտոնական կայքն իր հերթին հիշեցնում է կոմսոմոլի շրջանի պատի թերթ, որտեղ հիմնականում սպորտային և մշակութային ձեռքբերումների մասին հիշատակումներ են: Չկա որևէ խոսք Արցախում ստեղծված իրավիճակի մասին, համայնքապետը որպես պետական պաշտոնյա կարող էր առնվազն քաղաքացիական դիրքորոշում հայտնել, նշել, որ այս կամ այն հարցում համաձայն չէ իր քաղաքական թիմի վարած քաղաքականության հետ: Ի վերջո հաճախ ենք լսում, որ ՔՊ-ն ժողովրդավարական կուսակցություն է և տարակարծությունը չի պատժվում, նույնիսկ՝ խրախուսվում է: Ստացվում է՝ տարակարծություն չկա և Ծաղկաձորի համայնքապետին, իբրև ՀՀ պետական պաշտոնյայի ամեն բան ձեռք է տալիս:

Սակայն, գուցե նման լոյալությունն այլ պատճառներ ևս ունի: Մամուլը գրել էր, որ  ՔՊ-ական պատգամավոր Վաղարշակ Հակոբյանը դեկտեմբերի 5-ի ՏԻՄ ընտրություններում ակտիվ դերակատարություն ունեցավ Ծաղկաձոր համայնքում և նրա սրտի թեկնածուն եղել է Ոսկան Եղիազարյանը: Մամուլի տեղեկությունների համաձայն էլ՝ Ծաղկաձոր խոշորացված համայնքի ղեկավար Նարեկ Հարությունյանն առաջիկայում նոր պաշտոնի առաջարկ կստանա, իսկ Ծաղկաձորը կղեկավարի  ՔՊ-ական փոխքաղաքապետ Ոսկան Եղիազարյանը: Ինչպես ասում են՝ չկա ծուխ առանց կրակ: Եվ գուցե հենց դա է պաշտոնյայի լռության պատճառն՝ Արցախում և Հայաստանի շուրջ ստեղծված աղետալի իրավիճակի վերաբերյալ...

Շարունակելի...

Այս թեմայով Հայաստանում սահմանադրական կարգը տապալված է, այն տապալողի անունն էլ գիտենք․ քաղաքագետ Նարեկ Սամսոնյան Դատարանը Նարեկ Թևոսյանի կալանքի ժամկետը երկարացրեց 2 ամսով Նարեկ Սամսոնյանը կշարունակի մնալ վարչական հսկողության տակ Նարեկ Նալբանդյանին թույլատրել են «Գոլդեն Փելիսը» գրավ դնել բանկում․ մանրամասներ գործարքից․ «Հետք» Ըմբշամարտի Մ17 ԵԱ. Սեյրան Կիրակոսյանը՝ արծաթե, Նարեկ Գրիգորյանը՝ բրոնզե մեդալակիր Ո՞վ է կառավարում իշխանությանը,ո՞վ` ընդդիմությանը. Շանթ Հարությունյան-Արա Պապյան (տեսանյութ) Հումորը հաղթահարելու մեխանիզմներից մեկն է, որը եթե չանես կգժվես. Նարեկ Մարգարյան Հունիսի 12-ին հիվանդանոցում էի, հայ ոստիկանը նման կերպ չպետք է վարվեր. Հարությունյան (տեսանյութ) Հարցրել եմ` բոլորը միաբերան ասում են` Բագրատ սրբազանը շատ լավն է Այս շարժումը ատելություն մաքրելու է. Կարինե Հարությունյան (տեսանյութ) Նարեկ Մկրտչյանը Ժնևում հանդիպում է ունեցել Աշխատանքի միջազգային կազմակերպության գլխավոր տնօրենի հետ