Դոնալդ Թրամփը վիրավորվել է Քիմ Քարդաշյանից՝ հրաժարվելով կատարել նրա խնդրանքը

Նախկին նախագահ Դոնալդ Թրամփը 2020 թվականի ընտրություններից հետո մերժել է Քիմ Քարդաշյանին, քանի որ նա «քվեարկել է Բայդենի օգտին»։

Դրվագը, որում Թրամփն ընդհատել է հեռուստաաստղի հետ հեռախոսազանգը, նկարագրված է Ջոնաթան Կարլի՝ «Հոգնած հաղթանակից» գրքում, որը կթողարկվի առաջիկայում:

Քարդաշյանը 2018թ.-ին հայտնվել է թերթերի վերնագրերում, երբ  հանդիպել է Թրամփի հետ Օվալաձև աշխատասենյակում՝ քննարկելու բանտային բարեփոխումները: Հանդիպումից օրեր անց Թրամփը ներում է շնորհել Էլիս Ջոնսոնին, ով ցմահ բանտարկություն էր կրում թմրամիջոցների և փողերի լվացման մեղադրանքով։ «Ես նախագահի մասին ոչ մի վատ բան չունեմ ասելու», - ասել էր Քարդաշյանը նույն տարում։ 

«Խոսակցություններին ծանոթ աղբյուրն ինձ ասաց, որ Թրամփը լսել է նրա խնդրանքները և պահանջել է ուղղակի փոխհատուցում», - գրում է Կարլը իր գրքում: «[Թրամփը] կհամաձայներ պատժաչափի կրճատմանը, եթե նա օգտագործեր իր կապերը հայտնի մարդկանց հետ, որպեսզի նրան ծանոթ ֆուտբոլային աստղերը այցելեին Սպիտակ տուն»:

Ըստ Կարլի՝ SKIMS-ի 43-ամյա հիմնադիրը «իրոք փորձել է անել այն, ինչ պահանջել է Թրամփը», «համարելով դա որպես չնչին գին, որը պետք է վճարել արդարություն գտնելու նպատակով այն մարդկանց համար, որոնք, նրա կարծիքով, անարդար կերպով են պատիժ կրում»: Բայց բոլոր խաղացողները, որոնց նա մոտեցել է, հրաժարվել են:։

Այն բանից հետո, երբ Թրամփը լքեց Սպիտակ տունը 2021 թվականին, Քարդաշյանը կրկին դիմեց նախկին նախագահին՝ նրա աջակցությունը ստանալու համար:

«Իհարկե ոչ»,- ասել է նրան նախկին նախագահը: «Դուք քվեարկել եք Բայդենի օգտին, իսկ հիմա ինձնից լավությո՞ւն եք խնդրում»,-ասել է նախկին նախագահը։ «Եվս մի քանի կծու խոսքերից հետո կապը խզվել է։ Թրամփն ընդհատել  է հեռախոսազանգը»։

Ինչպես նշել է Կառլը, թեեւ Քարդաշյանը երբեք հրապարակայնորեն աջակցություն չի հայտնել Սպիտակ տան՝ 2020 թվականի թեկնածուին, նա նոյեմբերի ընտրություններից օրեր անց սոցցանցերում սրտի տեսքով էմոջիներ է տեղադրել այն ժամանակ նորընտիր նախագահի եւ Քամալա Հարիսի լուսանկարի ներքո։

2021 թվականին Քարդաշյանն ասել էր․ «Ես հավատում եմ այն ​​իրավունքներին, որոնք ցանկանում են դեմոկրատները, բայց եւ հավատում եմ այն ​​հարկերին, որոնք ցանկանում են հանրապետականները»։ 

Թրամփի խոսնակը քննադատել է Կառլի գիրքը՝ Axios-ին ասելով. «Այդ կեղտը կամ պետք է նետել գրախանութի աղբարկղը, կամ օգտագործել որպես զուգարանի թուղթ»:

Այս թեմայով Մինչ աշխարհը մասնատվում է, Բլինկենը Կիևում երգում է. Թրամփ Ահա թե ինչու Իսրայելը պետք է դադարեցնի Գազայի հատվածում պատերազմը. Թրամփ Եթե ես լինեի նախագահ, չէին լինի ո'չ ՀԱՄԱՍ-ի հարձակումը, ո'չ Ուկրաինայի հակամարտությունը. Թրամփ Բայդենը կործանում է ԱՄՆ-ն. Թրամփ Ես ԱՄՆ-ն դուրս չեմ բերի ՆԱՏՕ-ից, քանի դեռ եվրոպացիները վճարում են. Թրամփ Bild-ը հայտնել է Թրամփի գաղտնի ծրագրի մասին Հրաշալի և ոգեշնչող օր է. Թրամփ Դոնալդ Թրամփ կրտսերը փոստով սպիտակ փոշի պարունակող ծրար է ստացել Թրամփը խոստացել է ընտրություններում հաղթելու դեպքում փակել ԱՄՆ սահմանը Պուտին-Թրամփ առաջին հեռակա բանակցությունները՝ Ուկրաինայի ապագայի շուրջ