Առանց ինքնիշխան, ուժեղ Ռուսաստանի` կայուն աշխարհակարգն անհնար է․ Պուտին

Ռուսաստանի նախագահ Վլադիմիր Պուտինը հայտարարել է, որ առանց ուժեղ Ռուսաստանի՝ անհնար է կայուն աշխարհակարգ ստեղծել։

«Ուզում եմ ընդգծել, որ առանց ինքնիշխան, ուժեղ Ռուսաստանի՝ ամուր, կայուն աշխարհակարգն անհնար է»,- ասել է Պուտինը՝ տեսակոնֆերանսի միջոցով դիմելով «Ռուսական խորհրդի» մասնակիցներին։

Պետության ղեկավարը նշել է. «Հենց մեր երկիրն է ավելի արդար աշխարհի կերտման առաջնագծում»։

Պուտինի խոսքով՝ երկիրը ներկայումս պայքարում է «ոչ միայն Ռուսաստանի, այլև ամբողջ աշխարհի ազատության համար»։ «Մենք բացահայտ ասում ենք, որ մեկ հեգեմոնի դիկտատուրան քայքայվում է, այն, ինչպես ասում են, պարզապես վտանգավոր է մյուսների համար: Սա արդեն պարզ է ողջ համաշխարհային մեծամասնության համար»,- ասել է ՌԴ նախագահը։

Նա նաև հայտարարել է, որ ներկայիս հատուկ ռազմական գործողությունը «առանց որևէ չափազանցության ազգային-ազատագրական բնույթ է կրում»։

«Մենք պաշտպանում ենք մեր ողջ ժողովրդի անվտանգությունն ու բարեկեցությունը, Ռուսաստանի բարձրագույն պատմական իրավունքը՝ լինելու հզոր, անկախ տերություն, երկիր-քաղաքակրթություն»,- նշել է ՌԴ նախագահը։

Խոսելով խորհրդի թեմայի մասին՝ Պուտինը նշել է, որ ռուսական աշխարհը միավորում է բոլոր նրանց, ովքեր հոգևոր կապ են զգում Ռուսաստանի հետ, ովքեր իրենց համարում են ռուսաց լեզվի, պատմության, մշակույթի կրող՝ անկախ ազգությունից և կրոնական պատկանելությունից։

Բացի այդ, նա նշել է, որ միայն միասնական, ուժեղ, ինքնիշխան Ռուսաստանը կարող է երաշխավորել ինչպես ռուս ժողովրդի, այնպես էլ բոլոր մյուս ժողովուրդների ապագան և ինքնատիպ զարգացումը, որոնք դարեր շարունակ ապրել և ապրում են երկրում։

Երկրի ղեկավարի խոսքով՝ Ռուսաստանը որպես ագրեսիա կդիտարկի ցանկացած արտաքին միջամտություն՝ երկրի ներսում ազգամիջյան և միջկրոնական հակամարտություններ առաջացնելու նպատակով, և կարձագանքի համապատասխան կերպով։

«Ուզում եմ ևս մեկ անգամ ընդգծել, որ ազգամիջյան և միջկրոնական ատելություն սերմանելու, մեր հասարակությունը պառակտելու ցանկացած փորձ դավաճանություն է, հանցագործություն ողջ Ռուսաստանի դեմ»,- հավելել է պետության ղեկավարը։

Նրա խոսքով՝ Արևմուտքին «Ռուսաստանի նման մեծ ու բազմազգ երկիր պետք չէ»։

Այս թեմայով Ռուսաստանի և Հյուսիսային Կորեայի ռազմավարական գործընկերությունն ավելի կամրապնդվի. Պուտին Խրուշչովը փաստացի Ղրիմը նվիրել է Ուկրաինային. Պուտին Կրեմլը մանրամասներ է հայտնել Պուտին-Փաշինյան հեռախոսազրույցի մասին Մոսկվան պատրաստ է մասնակցել Բաքվի և Երևանի միջև հարաբերությունների կարգավորմանը․ Պուտին Հայաստանն այնպիսի ուշադրություն պիտի գրավեր, որ Պուտին Ալիև հանդիպման թիվ մեկ հարցը մեր գերիների վերադարձը լիներ. լրագրող Կուրսկի մարզում ռազմական գործողություններով Կիևը նպատակ ունի ապագա բանակցություններում ամրապնդել դիրքերը․ Պուտին Կիևը լայնածավալ սադրանք է ձեռնարկել Կուրսկում. Պուտին Մոսկվայում ընթանում է Պուտին-Ասադ հանդիպումը (տեսանյութ) Ռուսաստանը պատրաստ է ԱՄՆ-ի հետ երկխոսության․ Պուտին Միշտ պատրաստ ենք աջակցել Հայաստանի և Ադրբեջանի միջև խաղաղության օրակարգի առաջմղմանը․ Պուտին