Ադրբեջանի իշխանությունը չունի խաղաղության մտադրություններ․ Թաթոյան

Որքա՞ն կարելի է հանուն իշխանության ձևացնել, թե ամեն ինչ լավ է ու դուք էլ տիրապետում եք երկրի անվտանգության լուծումներին: Հանուն պաշտոնի՝ առաջ եք բերել անիրատեսական նպատակներ ու դրանք արդարացնելու համար կոծկել ու քողարկել եք ադրբեջանական հանցանքները։ Այդ մասին ֆեյսբուքյան իր էջում գրում է ՀՀ նախկին ՄԻՊ Արման Թաթոյանը։

«Եվ այս ամենն արել ու անում եք սեփական քաղաքական իշխանությունը պահելու համար մղձավանջային վախերի պատճառով։

Այսպես են բաց թողնվել կամ էականորեն նվազեցվել մեր երկրի անվտանգության հիմնարար լուծումների (օրինակ՝ ՀՀ սահմանների շուրջ անվտանգության գոտու ստեղծումը) համար պայքարի հնարավորությունները։ Շատ հարցերում Ադրբեջանն ամրապնդել է իր դիրքերը, ստեղծել է սեփական քայլերի իրավական [թեև արհեստական] հիմքերը, խաղաղության կեղծ շղարշի ներքո ամրապնդել է հայատյացությունը։ Հիմա էլ նույն սանձարձակ պահվածքով շարունակում է հանցանքները մեր քաղաքացիների նկատմամբ, ինչպես ցավոք տեղի ունեցավ այսօր։

Մեզ համար սրա գինը Հայրենիքն է, մարդու կյանքն է՝ զինվորականի ու քաղաքացիական բնակչի կյանքը։ Մինչդեռ, Հայաստանի յուրաքանչյուր զինվորական ադրբեջանական հանցավոր արարքներից պաշտպանում է իր Հայրենիքը, այդ Հայրենիքում ապրողին, ու նրանց կյանքը միջազգային պաշտպանության ներքո է։

Որքան ժամանակ է՝ փաստերով ապացուցում եմ, որ Ադրբեջանի իշխանությունը չունի խաղաղության մտադրություններ:

Ուստի, մեկ բան հստակ է. քանի դեռ Հայաստանի գյուղերի և քաղաքների հարևանությամբ, համայնքների միջև ճանապարհներին կան ադրբեջանական զինված ծառայողներ, մեր քաղաքացիները շարունակելու են գտնվել վտանգի տակ, իսկ ադրբեջանական հանցավոր արարքները շարունակվելու են, քանի դեռ այդ երկրի ֆաշիստական իշխանությունը գործում է պատասխանատվության բացակայության պայմաններում:

Այս իրավիճակում խաղաղությանը սպասում է ոչ թե խաչմերուկ, այլ` փակուղի»,- գրել է ՀՀ նախկին ՄԻՊ-ը։ 

Այս թեմայով Արման Դիլանյանը կարևորել է Հայաստանի և Իրաքի Բարձր դատարանների միջև ձևավորվող հարաբերությունները Տիգրան Խզմալյան ու Արման Բաբաջանյանը ԵՄ անդամակցության հարցով ստորագրահավաք կանցկացնեն Բանակցությունների ֆոնին հնարավոր է՝ Ադրբեջանը սադրանքի դիմի․ Արման Եղոյան (տեսանյութ) Որն է հայ ժողովրդի երջանկության միակ բանաձևը. Արման Վարդանյան (տեսանյութ) Արման Դյուպլանտիսը բարելավեց համաշխարհային ռեկորդը Արման Մելիքսեթյանն ավարտել է կարիերան «Չեմ ուզում հավատալ, որ ՀՀ ղեկավարը կարող է ժամանակ խնդրել ինչ-որ Ամիրբեկովից». Արման Աբովյան (տեսանյութ) Դա վիժվածքածին մանիպուլյացիա է. մարդկանց երաշխավորված կոխում են թուրքի յաթաղանի տակ. Արման Աբովյան (տեսանյութ) Այս ամենը շատ վտանգավոր է. ՀՀ իշխանությունը չի որոշում՝ մասնակցե՞լ ՀԱՊԿ զորավարժություններին, թե՞ ոչ. Արման Աբովյան Ոչ Հայաստանի, ոչ էլ Ադրբեջանի իշխանությունները այդքան չկան, որ որոշեն` կոմունիկացիաների հարցը թողնեն ապագային, թե ոչ. Արման Աբովյան