Անհրաժեշտ է ադրբեջանական գերությունից անհապաղ ազատել Արցախի նախկին ղեկավարներին. Լուիս Մորենո Օկամպո

Լաչինի միջանցքի շրջափակումից հետո Ցեղասպանության կոնվենցիայի մասնակից պետությունները, որոնք մասնակցում են Ադրբեջանի հետ բանակցություններին, ինչպիսիք են ԱՄՆ-ը, Ֆրանսիան, Գերմանիան, Մեծ Բրիտանիան, Իսրայելը և Ռուսաստանը, տարբեր պատճառներով անտեսել են Լեռնային Ղարաբաղի էթնիկ խմբի համար ցեղասպանության լուրջ ռիսկի մասին  ճշգրիտ և մատչելի տեղեկատվությունը, ասվում է Միջազգային քրեական դատարանի նախկին գլխավոր դատախազ Լուիս Մորենո Օկամպոյի զեկույցում։ Այս մասին հաղորդում է News.am–ը։

«Փոխարենը, մեծամասնությունը ցանկանում էր նպաստել Հայաստանի և Ադրբեջանի միջև պայմանավորվածության ձեռքբերմանը՝ նոր ռազմական գործողություններից խուսափելու և կոնկրետ տնտեսական և աշխարհաքաղաքական ազգային շահերին հասնելու համար: Իսրայելը, օրինակ, շահել է Ադրբեջանին զենքի զգալի վաճառքից: Կոնվենցիայի մասնակից պետությունները չպետք է օգուտ քաղեն ցեղասպանությունից:

Ցեղասպանությունը կանխելու նրանց հանձնառությունը պահանջում է շարունակել գնահատել Հայաստանի վրա հարձակվելու նախագահ Ալիևի ցեղասպանական մտադրությունը, փոխհատուցում տրամադրել Լեռնային Ղարաբաղում իրենց կյանքն ու ունեցվածքը կորցրածներին, երաշխավորել էթնիկ խմբի իրավունքները՝ անվտանգ վերադառնալու իրենց նախնիների հողը և ազատ արձակել «հայ բանտարկյալներին», - նշել է ՄՔԴ նախկին դատախազը։

Ըստ Օկամպոյի՝ սա ցեղասպանության կանխարգելման ամենահրատապ ասպեկտն է՝ վերջ դնել ցեղասպանության ավելի քան քսան զոհերի «լուրջ ֆիզիկական և հոգեկան վնասին» (Ցեղասպանության կոնվենցիայի հոդված II բ), այդ թվում՝ Արցախի երեք նախկին նախագահները և հինգ այլ հասարակական գործիչներ, որոնք բանտարկված են Ադրբեջանի կողմից։ 

«Նրանց գերությունը ցեղասպանության մի մաս է և ուղերձ` իրենց համայնքին. եթե վերադառնաս Լեռնային Ղարաբաղ, քեզ սովամահ կանեն, կբանտարկեն կամ կսպանեն: Նրանք պատանդ են դարձել», - ընդգծել է ՄՔԴ նախկին գլխավոր դատախազն իր զեկույցում:

Մանրամասները՝ սկզբնաղբյուր կայքում։

Այս թեմայով Գագիկ Ծառուկյանի նախաձեռնությամբ իրականացված «Հայաստան-Արցախ» Համահայկական երիտասարդական ֆորումի աշխատանքը ներկայացվել է տեսաֆիլմով (տեսանյութ) Մեծ անջրպետ կա հայ ժողովրդի և ՀՀ իշխանությունների շահերի միջև. Օսկանյանը՝ Արցախ վերադարձի մասին (տեսանյութ) ՀՀ կառավարությունն Արցախի ժողովրդի վերաբերյալ որոշումները կայացնում է առանց ռազմավարության, նպատակն Արցախի էջը մեկընդմիշտ փակելն է. Արտակ Բեգլարյան Լուկաշենկոն Ալիևի հետ այցելել է օկուպացված Արցախ Գագիկ Ծառուկյանի աջակցությամբ Ծաղկաձորում մեկնարկել է Արցախ-Հայաստան եռօրյա ֆորում (տեսանյութ) Էս երիտասադրության հետ Արցախ եմ հասնելու ու մենահամերգ տամ. Գայա Արզումանյան (տեսանյութ) Սա սրբազան պայքար է և լիահույս եմ, որ մեր սերունդը վերադառնալու է Արցախ. քաղաքացի Մեր սրտերում մնալու է Արցախ վերադառնալու տեսիլքը. Բագրատ Սրբազան Հայի սրտի, հոգու ամենաերջանիկ օրերից մեկն է լինելու. այսպես գնալու ենք դեպի Արցախ. Գայա Արզումանյան (տեսանյութ) Ինչքան ապրեմ, մինչև վերջին շունչս հավատալու եմ, որ գնալու եմ Արցախ. Գայա Արզումանյան