Հայաստանի կարտինգի առաջին թիմը Դուբայում առաջին մրցանակն է շահել

«Ամբողջ տարվա ընթացքում կարտինգը մեր ավտոդրոմում գրեթե չի կանգնել, տղաներն անընդհատ պարապմունքներ և քրտնաջան աշխատանք էին տանում և այսօր ունեցանք այս արդյունքը»,-հրավիրված ասուլիսում հայտնեց Հայաստանի ավտոմոբիլային ֆեդերացիայի նախագահ Արսեն Մանուկյանը ՝անդրադառնալով դեկտեմբերի 9-10-ը Դուբայում տեղի ունեցած կարտինգի 24-ժամյա մրցույթում  «Գորոյան ռեյսինգ թիմ»-ի՝ 3-րդ հորիզոնականը զբաղեցնելու փաստին:

Ֆեդերացիայի նախագահը նաև տեղեկացրեց, որ տարվա ընթացքում բազմաթիվ միջոցառումներ են անցկացվել, մասնավորապես՝ դրիֆթի մրցաշար է կազմակերպվել, որին մասնակցել են տարբեր երկրների ներկայացուցիչներ, մրցավազք են անցկացվել ՀՀ Արարատի մարզի Վեդու հարակից տարածում, Աբովյան քաղքում՝ ժամանակի հաղթահարման մրցույթ, Արմավրի մարզում նախատեսված են մի շարք միջոցառումենր, նաև՝ դրիֆթի:

«Կես տարվա մեջ մենք ձևավորեցինք կարտինգի թիմ, համապատասխան հմտություններ զարգացրեցինք և մեկնեցինք Դուբայ մրցման, որտեղ հավաքվել եին ողջ աշխարհից 42 թիմեր և գրավեցինք երրորդ հորիզոնականը»,-ասաց B կատեգորիայի միջազգային արտոնագիր ունեցող, Հայաստանը ներկայացնող մոսկվայաբնակ ավտոարշավորդ Արթուր Գորոյանը, ով նախաձեռնել էր «Գորոյան ռեյսինգ թիմ»-ի ձևավորումը։

Նրա խոսքով՝ կարճ ժամանակահատվածում, նման էական արդյունքի թիմը հասել է՝ Հայաստանում չունենալով կարտադրոմների մեծ թիվ, կարտինգի չեմպիոններ, պրոֆեսիոնալներ, վարորդներ։

«Նման պայմաններում հասանք այն նպատակին, որը դրել էինք մեր առաջ: Այդ նպատակը դրված է նրա համար, որ մյուս ոլոտրներում նույնպես լինի ընկալում, որ կարելի է հասնել նպատակին: Մենք այն արել ենք կես տարում և կարող ենք անել ավելին՝ նաև այլ ոլորտներում»,-ասաց Գորոյանը և հավելեց. Այս ընթացքում ուսումնասիրել ենք, թե ավտոսպորտի զարգացման համար ինչեր կան Հայաստանում և որոնք են մեր ուժեղ կողմերը: Ուժեղ կողմերից է մարդկային ռեսուրսը։ Մարդիկ, որոնք ցանկանում են և կարող են հասնել իրենց նպատակներին»:
Նա հայտնեց, որ թիմի անդամներն անցել են խիստ ընտրություն, մարզումներ և հասել են իրենց նպատակին:

«Նպատակն արագությունը և հաղթանակը չէր, այլ՝ վերջնագծին հասնելը: Հայաստանում շատ են նման մարդիկ, որոնք ունեն նման ուժեղ կողմեր։ Դրանից է նպատակամղվածությունը, որը բոլոր ոլորտներում է՝ ոչ միայն կարտինգի: Այդ մարդկանց ես տեսել եմ կարտադրոմում աշխատելիս՝ մեզ շրջապատողների մեջ: Եղել են մարդիկ, որոնք աշխատել են անվճար՝ դրոշակներով կարգավորելով: Բոլորով արեցինք այդ գործը»,-հայտարարեց Գորոյանը։

«Մենք ապրելով տարբեր երկրներ փորձում ենք այս սպորտաձևը զարգացնել Հայաստանում: Ավտոսպորտը մեր կյանքի մեծ մասն է , տեսնելով, որ մեր երկրում մեր կարիքը զգում են, փորձում ենք օգնել ամեն ինչով»,-ասաց միջազգային կարգի մրցավար Հայկ Սիմոնյանը՝ տեղեկացնելով, որ Բելառուսի ավտոմոբիլային ֆեդերացիայի երկար տարիների դրիֆտի գծով փոխնախագահն է և այնտեղ է զբաղվում այդ սպորտաձևով:

Նա հայտնեց, որ կարճ ժամանակահատվածում Հայստանում սպորտաձևի զարգացման և թիմի պատրաստվածության առումով այնպիսի արդյունքների են հասել, որ Հայաստան ժամանած օտարերկրյա մասնագետներն են զարմացել, ինչը թիմի նվիրումով գործելու արդյունք է:
«Կարտինգը ավտոսպորտի այբուբենն է, նույնիսկ ֆորմուլա 1-ի չեմպիոնները սկսում են կարտինգից և Արթուր Գորոյանն արեց այդ ոլորտում շատ մեծ քայլ»,-ասաց նա:

«Գորոյան ռեյսինգ թիմ»-ի անդամ Ռադիոն Կրիլովն էլ հայտնեց, որ ազգությամբ կիսով հայ է մյուս կեսով ռուս և խոսեց սպորտաձևը Հայաստանում զարգացնելու հեռանկարների մասին։
«Մենք հանդիմպեցինք որոշ խնդիրների որոնք հետագայում մեզ խանգարելու են դրանցից մեկն հովանավորների հետ շփումն է, թե ինչքանով է Հայաստանում բիզնեսն ադեկվատ վերաբերվում մեր առաջարկներին»,-ասաց Կրիլովը:

Տեղեկացնելով, որ թիմի անդամները տարբեր տեղեր են եղել, առաջարկներ ներկայացրել և այնպիսի տպավարություն ստացել, որ բոլորը մտածում են, որ իրենցից գումար են ուզում՝ Ռադիոն Կրիլովը դիմեց բոլոր ընկերություններին, որոնք ցանկություն կունենան իրենց աջակցել. «Մենք գումար չենք ուզում, որ գնանք ինչ-որ տեղ  մրցման մասնակցելու, բոլոր հովանավորներին առաջարկում էինք՝ եկեք միասին աշխատենք, մենք ձեր պրոդուկցիան առաջ տանենք արտասահմանում, այս դեպքում՝ Դուբայում, դրա դիմաց հետագայում համագործակցություն ստանանք: Նույնիսկ այդ համատեքստում, երբ մենք պատրաստ էինք առանց գումարի մեր հետ հովանավոր տանել Դուբայ, մարդիկ մեզանից հրաժարվել են: Սա մեծ խնդիրե է և, անկեղծ ասած, մեր համար հասկանալի չէր, թե ինչն է նրանց դրդել հրաժարվել համագործակցությունից»։

Արթուր Գորոյանն էլ նշեց. «Մենք ծրագիրը 0%-ից 100% իրականացրեցինք կես տարում, մեծ դժվարություններ ենք հաղթահարել, բայց դեռ աշխատելու տեղ կա»:

Հայտնելով, որ Հայաստանում կա մեկ կարտադրում, որը գտնվում է բնակելի տների մեջ և մեկօրյա մարաթոններին մասնակցող մարզիկներ, չեն կարող գիշերը մարզվել, ինչը մեծ խնդիր է՝ Գորոյանն ուղերձ հղեց գործարարներին՝ խնդրելով կառուցել կարտադրոմներ՝ հնարավորինս շատ:

«Գորոյան ռեյսինգ թիմ»-ի անդամ Գուրգեն Դարիբալթյանն էլ ասաց.«Սա սպորտի, առողջ ապրելակերպի կուլտուրա է, ճանապարհային երթևեկության կանոններ է, անվտանգություն, նա հայտնեց, որ հասարակությունը պետք է ավելի շատ լսի ավտոսպորտի մասին, որ Հայաստանում կա արդեն լիցենցավորված վեց մարզիչ, թիմի ղեկավար»:

Գուրգենն ասաց, որ երթևեկության ժամանակ անվտանգություն է պետք, իսկ դրա համար՝ մտածողություն, որ փողոցը չէ մեքենաների համար մրցման վայրը։

«Քանի որ մենք չենք հասկանում, թե որն է փողոցը, որը մեքենաների մրցման վայրն, այդ պատճառով ճանապարհատրանսպորտային պատահարներվ շատ մեծ զոհեր ենք ունենում, եթե չեմ սխալվում, ճանապարհատրանսպորտային պատահարների հետևանքով զոհերի քանակով աշխարհում երրորդն ենք: Դրա համար պետք է մտածողություն փոխենք, իսկ դրա համար էլ պետք է այդ ամեն ինչը զագացնենք, Հայստանում: Այս նպատակներին հասնելու համար անհրաշետ են ավտոդպրոցներ: Մարդիկ պետք է հասկանան, որ Արշակունյանցով մեքենան 300 կմ/ժ չեն վարում, դրա համար այլ տեղեր կան»,-ասաց Դարիբալթյանը՝ շեշտելով որ նման հնարավորություն է ստեղծում ավտոսպորտը:

Panorama.am-ը ասուլիսի մասնակիցներին հարց ուղղեց, թե ինչ է պետք , որպեսզի ավտոսպորտի հանրաճանաչությունն Հայաստանում բարձրանա և արդյոք այդ նպատակով Հայաստանն ունի հնարավորություններ միջազգային մրցաշարեր կազմակերպելու համար։

Արթուր Գորոյանը պատասխանեց. «Այն, ինչ արեցիոնք այս տարի արտասահմանում, ցուցիչն է այն բանի, որ կարող ենք անել այստեղ նույնպես և այն, որ մենք բարձրացնում ենք ճանաչելիությունը այլ երկրներում, դրանով Հայաստանին հնարավորություն ենք տալիս մեր մասնակցած մրցաշարերն անցկացնել նաև այստեղ։ Շատ են մրցաշարերը Հայաստանում անցկացնելու ցանկացողները։

Այստեղ կա բոլոր հնարավորությունները, նույնիսկ հատուկ մայրուղիներ պետք չեն։ Ընդամենը պետք է լավ ասֆալտապատել, նաև՝ բնակիչների համար, փակել ճանապարհը և անցկացնել մրցումներ»։

Այս թեմայով Ադրբեջանի պահանջները մեզ այլընտրանք չեն թողնում. այլընտրանքը Հայաստանի հանձնումն է. Դանիելյան (տեսանյութ) Դիլիջանի թունելի մոտ բախվել են Հայաստանի քաղաքացու և Չինաստանի քաղաքացու մոտոցիկլետները․ 3 հոգու հոսպիտալացրել են Հայաստանի գրողների միությունում կայացել է Մկրտիչ Սարգսյանի 100-ամյակին նվիրված հանդիսավոր միջոցառում Հայտնի է Հայաստանի ֆուտբոլի ընտրանու մեկնարկային կազմը Ղազախստանի դեմ խաղում Արամ Ա Կաթողիկոսը ՍԴՀԿ ատենապետի հետ քննարկել է Հայաստանի ներսում տեղի ունեցող վերջին զարգացումները NBA. «Բոստոնը» հաղթեց «Դալլասին» եզրափակիչի առաջին խաղում (տեսանյութ) H5N2 գրիպից մահվան առաջին դեպքն է գրանցվել ՌԴ–ն չի նախատեսում իջեցնել Հայաստանի հետ դիվանագիտական հարաբերությունների մակարդակը. դեսպանը շուտով կվերադառնա Երևան Քննարկվել է Հայաստանի և Շվեյցարիայի միջև երկկողմ հարաբերությունների օրակարգը և առաջիկա ծրագրերը Առաջին ալիքը ներողություն է խնդրել աղմկահարույց ռեպորտաժի համար, որտեղ անդրադարձ է եղել Սրբազան պայքարին (տեսանյութ)