Արևմուտքը կլվանա ձեռքերը՝ Հայաստանի և Ադրբեջանի միջև հավանական նոր պատերազմի դեպքում

Ամերիկյան ամենահեղինակավոր վերլուծական կենտրոններից մեկը՝ «Council on Foreign Relations»-ը (Արտաքին հարաբերությունների խորհուրդ), ներկայացրել է իր տարեկան կանխատեսումը, ըստ որի՝ ավելի քան հավանական է համարվում Հայաստան-Ադրբեջան նոր պատերազմի վերսկսումը: Մյուս կողմից՝ ամերիկյան փորձագետներն ընդգծում են այն հանգամանքը, որ ի տարբերություն 2024-ի ընթացիկ և սպասվող հակամարտությունների՝ Երևանի և Բաքվի միջև նոր պատերազմն  ԱՄՆ-ի համար չունի առաջնահերթություն: CFR-ի Կանխարգելիչ գործողությունների կենտրոնի (CPA) կողմից յուրաքանչյուր տարվա ավարտին անցկացվող հարցման միջոցով արտաքին քաղաքականության փորձագետները գնահատում են ընթացիկ կամ հնարավոր հակամարտությունները՝ հիմնվելով դրանց առաջացման կամ սրման հավանականության, ինչպես նաև ԱՄՆ–ի շահերի վրա դրանց հնարավոր ազդեցության վրա:

Ըստ էության, ամերիկացի փորձագետների տեսանկյունից՝ ԱՄՆ–ի համար առաջնահերթություն են դիտվում Իսրայել-ՀԱՄԱՍ հակամարտության հնարավոր թեժացումը, ԱՄՆ կենտրոնական հատվածում միգրացիոն խնդիրների սրումը և այն, որ մեծանում է ՌԴ–ի կամ Չինաստանի հետ ԱՄՆ հավանական ռազմական առճակատման վտանգը: Ստացվում է, որ Արևմուտքը, որը շահագրգռված  է Հարավային Կովկասում լարվածության աճով և ըստ այդմ՝ Ուկրաինայի հետ ընթացիկ պատերազմի ֆոնին ՌԴ–ի համար ևս մեկ լարվածության օջախ ձևավորելով, ձեռքերը լվանում է հայ-ադրբեջանական հավանական պատերազմից: Ուշագրավ է, որ ընդամենն ամիսներ առաջ ԱՄՆ տարածաշրջանային շահերին էր անդրադարձել ամենահեղինակավոր  ուղեղային կենտրոններից մեկը՝ Foreign policy in Focus կենտրոնը: Հոդվածում, մասնավորապես, նշվում է, որ տարածաշրջանում ԱՄՆ-ի հիմնական դաշնակիցն Ադրբեջանն է։ Հաշվի առնելով երկրի հսկայական էներգետիկ ռեսուրսները, հատկապես՝ նավթն ու բնական գազը, ԱՄՆ պաշտոնյաներն Ադրբեջանը համարում են Հարավային Կովկասում այն բանալին, որը կօգնի Եվրոպային նվազեցնել կախվածությունը ռուսական էներգակիրներից:

Ստացվում է, որ Արևմուտքը, ի դեմս՝ ԱՄՆ-ի, պարզապես օգտագործում է Հայաստանը՝ տարածաշրջանից ՌԴ-ին հեռացնելու, նրա ազդեցությունը այստեղ նվազագույնի հասցնելու նպատակով, սակայն պատերազմի վերսկսման դեպքում Արևմուտքը մատը մատին անգամ չի խփելու Երևանին օգնելու համար: Ավելին՝ ԱՄՆ-ն չի էլ թաքցնում, թե ով է տարածաշրջանում իր հիմնական դաշնակիցը: Հետաքրքիր է՝ հասկանո՞ւմ են արդյոք այս պարզ և հենց Արևմուտքի շուրթերով հնչեցված ճշմարտություններն ինքնամոռաց դեպի Արևմուտք գնացող ՀՀ իշխանությունները...

Այս թեմայով Աննախադեպ ռեպրեսիաների քարտ-բլանշ Արևմուտքից՝ Նիկոլ Փաշինյանին Բոլթոն-Փաշինյան-Մուր ծրագիրն՝ ընդդեմ Իրանի Արևմուտքի՝ նոր պատերազմի քարտ-բլանշը Բաքվին ԵՄ ջրցան մեքենաներն՝ ընդդեմ թուրքական «Bayraktar»-ի. Արևմուտքի «հուժկու» աջակցությունը ՌԴ Պետդումայում հայտարարել են՝ «Արևմուտքը Երևանին մղում է ուկրաինական ճանապարհով» Ապրիլի 5-ի հանդիպումը բերելու է Արևմուտք-ՌԴ առճակատման ուժեղացմանը մեր տարածաշրջանում. Սարգսյան Եվրոպացի պաշտոնյան բացահայտեց Արևմուտքի հերթական երկերեսանի խաղն ու կեղծավորությունը Արևմուտքը միջամտում է ՀՀ ներքին գործերին՝ սլաքներն ուղղելով Մոսկվայի կողմը Արևմուտքի երկակի ստանդարտները՝ գերության մեջ գտնվող հայ քաղբանտարկյալներին ազատ արձակելու հարցում Արևմուտքը Հայաստանին մղում է տնտեսական «ինքնասպանության»